Push Admin

2 miyembro ng Boratong group, patay sa Pasig buy-bust

Article (news)

ABS-CBN News

<figure class="op-interactive"><iframe height="315" src="https://www.youtube.com/embed/1g1IddXFTK8?enablejsapi=1" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>MAYNILA<strong> (UPDATE)</strong> — Nasa P6.8 milyon halaga ng hinihinalang shabu ang nakumpiska ngayong Huwebes ng mga awtoridad sa buy-bust operation sa Pasig City na nauwi rin sa pagkamatay ng 2 suspek.</p><p>Kinilala ni National Capital Region Police Office (NCRPO) chief Maj. Gen. Guillermo Eleazar ang mga suspek bilang sina Jalal Alamoden at Sampiano Rason, na mga miyembro umano ng Boratong group.</p><p>Ikinasa ang operasyon bandang alas-2 ng madaling araw sa isang gasolinahan sa kanto ng Felix Avenue at Kabayanihan Street, Barangay Dela Paz, ayon sa ulat ng NCRPO.</p><p>Binentahan umano ng mga suspek ang isang operatiba ng NCRPO Regional Drug Enforcement Unit, na nagpanggap na buyer, ng 2 plastic bag ng hinihinalang shabu na nagkakahalagang P450,000.</p><p>Pero naramdaman ng isa sa mga suspek na pulis ang kanilang katransaksiyon at binaril ang operatiba, ayon sa NCRPO.</p><p>Sinubukan umanong tumakas ng mga suspek sakay ng motorsiklo. Nang habulin sila ng mga awtoridad, nagkaroon umano ng mga palitan ng putok hanggang sa mapatay ang 2 suspek.</p><p>Nakuha sa operasyon ang 1,000 gramo ng shabu na nagkakahalagang P6.8 milyon.</p><p>Nabatid sa imbestigasyon na ang 2 suspek ay miyembro ng grupo ni Amin Imam Boratong na kasalukuyang nakapiit sa New Bilibid Prison dahil sa pagpapatakbo ng shabu tiyangge sa Pasig. Nahuli si Amin noong 2006.</p><p>Patuloy raw ang operasyon ng grupo sa pamumuno ng pinsan ni Amin na si Acsaimin Boratong.</p><p>&quot;Basically involved sila sa drugs but we cannot discount the possibility that they are involved in other activities like for example, gun-for-hire, dahil nga armado sila,&quot; sabi ni Eleazar.</p><p>Patuloy ang pagtugis ng pulisya sa ibang miyembro ng grupo, ani Eleazar.</p><div><strong>-- Ulat ni Jervis Manahan, ABS-CBN News</strong></div>

<p>Nasa P6.8 milyon halaga ng hinihinalang shabu ang nakumpiska ngayong Huwebes ng mga awtoridad sa buy-bust operation sa Pasig City na nauwi rin sa pagkamatay ng 2 suspek.</p>

Nasa P6.8 milyon halaga ng hinihinalang shabu ang nakumpiska ngayong Huwebes ng mga awtoridad sa buy-bust operation sa Pasig City na nauwi rin sa pagkamatay ng 2 suspek.