Push Admin

Maraming paaralan nag-face-to-face classes sa pagbubukas ng SY 2022-2023

Article (news)

ABS-CBN News

<figure class="op-interactive"><iframe allow="autoplay; fullscreen" frameBorder="0" height="100%" id="ivsplayer01" scrolling="no" src="https://player.ivideosmart.com/ivsplayer/v4/dist/html/iframe-src.html?iframeid=ivsplayer01&amp;key=e8c22c015ca9eafa76f1e3edfa03c603&amp;spid=3001339&amp;vid=2183412" width="100%"></iframe></figure><div class="iwantbar">Watch more News on <a href="https://www.iwanttfc.com/#!/browse/Genres/News/tag_id_genres/id_news" target="_blank">iWantTFC</a></div><p>Nagbukas ngayong Lunes ang panibagong school year, kung saan maraming paaralan na ang nagpatupad ng face-to-face classes kahit sa Nobyembre pa ang full implementation nito.</p><p>Kasama sa mga eskuwelahang nagbukas ulit sa mga estudyante ang Parañaque National High School, na isa sa may pinakamaraming bilang ng mga estudyante sa buong Asya.</p><p>Bago ang COVID-19 pandemic, nasa 60 estudyante ang nagkaklase sa isang classroom sa paaralan pero hinati muna ito sa 2 set para matiyak na maipatutupad ang social distancing sa harap ng patuloy na pandmeya.</p><p>Para matiyak na ligtas ang mga mag-aaral, sa gate pa lang ay pinapaalalahanan na sila tungkol sa pagsusuot ng face masks at pagpapanatili ng physical distancing.</p><figure class="op-interactive"><iframe allow="autoplay; fullscreen" frameBorder="0" height="100%" id="ivsplayer01" scrolling="no" src="https://player.ivideosmart.com/ivsplayer/v4/dist/html/iframe-src.html?iframeid=ivsplayer01&amp;key=e8c22c015ca9eafa76f1e3edfa03c603&amp;spid=3001339&amp;vid=2184353" width="100%"></iframe></figure><div class="iwantbar">Watch more News on <a href="https://www.iwanttfc.com/#!/browse/Genres/News/tag_id_genres/id_news" target="_blank">iWantTFC</a></div><p>Bago pumasok, required din ang mga estudyante na dumaan sa thermal scanner para sa temperature check.</p><p>Sa Camarin High School sa Caloocan, na may pinakamaraming estudyante sa lungsod, hinati rin sa 2 shift ang klase: isa mula umaga hanggang tanghali at tanghali hanggang gabi.</p><p>Aminado naman ang principal ng paaralan na hamon pa rin ang congestion sa mga silid-aralan, lalo&#x27;t nasa 1:50 ang ratio ng guro at estudyante.</p><p>Sa Dinalupihan Elementary School sa Bataan, full face-to-face classes na ang ipatutupad, kung saan bawat klase ay may 35 hanggang 45 estudyante.</p><p>May footbath, alcohol station at temperature-checking device sa labas ng bawat classroom, kung saan ipinatutupad din ang 1 metrong physical distancing sa pagitan ng bawat upuan.</p><p>May itinalaga ring medical officer ang lokal na pamahalaan para tumutok sa health and safety ng mga bata at magrekomenda ng mga hakbang sakaling may makitaan ng sintomas ng COVID-19.</p><p>Nauna nang inutos ni Vice President at Education Secretary Sara Duterte na dapat bumalik na sa full face-to-face classes ang lahat ng paaralan sa Nobyembre.</p><p>Pero ayon kay Department of Education Spokesperson Michael Poa, 46 porsiyento ng mga paaralan sa buong bansa ang kaya nang mag-full face-to-face classes ngayong Lunes.</p><p>May 51.8 porsiyento naman ang magbe-blended learning habang 1.9 porsiyento lang ang mananatili sa full distance learning, ani Poa.</p><p>Sa huling tala ng DepEd, umabot na sa 28,035,042 ang kabuuang bilang ng mga nag-enroll para sa School Year 2022-2023, mas mataas sa 27.5 milyong enrollees noong nakaraang taon.</p><div><strong>— Ulat nina Larize Lee, Joyce Balancio at Raffy Santos, ABS-CBN News</strong></div>

Nagbukas ngayong Lunes ang panibagong school year, kung saan maraming paaralan na ang nagpatupad ng face-to-face classes kahit sa Nobyembre pa ang full implementation nito.