Push Admin

Isolation, bakunahan planong gawin sa ilang unibersidad

Article (news)

ABS-CBN News

<div class="embed-wrap"><figure data-feedback="fb:likes,fb:comments"><img alt="Ginagawang isolation facility ang Cavite State University sa harap ng pagdami ng COVID-19 cases sa probinsiya" src="http://sa.kapamilya.com/absnews/abscbnnews/media/2021/news/08/24/20210824-isolation-facility-csu.jpg?ext=.jpg"/><figcaption>Ginagawang isolation facility ang Cavite State University sa harap ng pagdami ng COVID-19 cases sa probinsiya. <em>Courtesy: Municipality of Indang</em></figcaption></figure></div><p>MAYNILA - Ginagawang isolation facility at vaccine site ang ilang unibersidad sa Maynila at Cavite sa harap ng pagdami ng mga kaso ng COVID-19. </p><p>Ang Cavite State University sa bayan ng Indang, gagamiting treatment at monitoring facility para tugunan ang pagtaas ng COVID-19 cases. </p><p>Ayon sa lokal na pamahalaan ng Indang, napuno na ang isolation facility ng Oplan Kalinga sa Hacienda Isabela, Brgy. Carasuchi at Carmona Mega Isolation Facility ng mga nagpapagaling sa virus.</p><p>“Napuno sila last week. ‘Yung surge ng cases dito sa amin, napuno namin eh,” ani Vernie Caisip, consultant ng Indang Mayor’s Office.</p><p>“Unfortunately, wala na kami talagang mapagdalhan. So, nag-decide si mayor na kausapin na si president para magamit na namin siya (CvSU),&quot; dagdag niya. </p><p>Binisita rin ni Indang Mayor Perfecto Fidel ang pasilidad sa CvSU noong Lunes para tiyakin ang kahandaan nito sa pagtanggap ng pasyente.</p><p>Umaabot sa higit 20 ang mga naitatalang kaso ng COVID-19 sa Indang kada araw sa nakalipas na linggo at nasa 237 na ang mga aktibong kaso nitong Martes. Kabilang dito ang isang na-detect na Delta variant case. </p><p>Samantala, nagkaroon ng bakunahan ang Polytechnic University of the Philippines para sa kanilang mga empleyado, faculty members, at mga kaanak sa kanilang Sta. Mesa Campus. </p><p>Nakipagtulungan din ang pamunuan ng unibersidad sa Manila Health Department para mabakunahan ang nasa 3,000 empleyado at guro ng unibersidad. </p><p>Ito na rin ang ika-2 batch ng mga binakunahang mga empleyado ng PUP. </p><p>Ngayong Martes, 500 doses ng Moderna vaccine ang ituturok sa mga tatanggap ng second dose. </p><p>Ayon kay PUP president Dr. Manuel Muhi, sa ngayon nasa 2,000 na ang nabakunahan habang nasa 30 ang tinamaan ng COVID-19 sa kanila at may mga namatay din dahil sa virus kaya nais niyang mabakunahan na ang lahat ng empleyado.</p><p>Sinabi rin ng pamunuan ng PUP na ang pagbabakuna sa kanilang mga empleyado at mga guro ay paghahanda rin anila sakaling payagan na ang face-to-face classes.</p><p>Naglatag na rin anila sila ng mga plano kung papayagan na ang face to face classes, ayon kay Muhi. </p><div><strong>— May mga ulat nina Raya Capulong at Michael Delizo, ABS-CBN News</strong></div><div><strong>KAUGNAY NA BALITA: </strong></div><figure class="op-interactive"><iframe allow="autoplay; fullscreen" frameBorder="0" height="100%" id="ivsplayer01" scrolling="no" src="https://player.ivideosmart.com/ivsplayer/v4/dist/html/iframe-src.html?iframeid=ivsplayer01&amp;key=e8c22c015ca9eafa76f1e3edfa03c603&amp;spid=3001339&amp;vid=1747579" width="100%"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div>

Ginagawang isolation facility at vaccine site ang ilang unibersidad sa Maynila at Cavite sa harap ng pagdami ng mga kaso ng COVID-19. 