Push Admin

Hustisya hiling ng pamilya ng magsasakang pinatay ng pulis

Article (news)

ABS-CBN News

<div class="embed-wrap"><figure data-feedback="fb:likes,fb:comments"><img alt="Nagluksa ang ilang residente sa pagkapatay sa magsasaka na si Alberto Delos Reyes sa Marinduque noong Hulyo. Kuha ni Mhabelle Delos Reyes/file" src="https://sa.kapamilya.com/absnews/abscbnnews/media/2021/life/08/25/20210825-alberto-delos-reyes-co-mhabelle-delos-reyes.jpg"/><figcaption>Nagluksa ang ilang residente sa pagkapatay sa magsasaka na si Alberto Delos Reyes sa Marinduque noong Hulyo. <em>Kuha ni Mhabelle Delos Reyes/file</em></figcaption></figure></div><p>BUENAVISTA, Marinduque - Matapos ang halos isang buwan, hirap pa rin si Jennifer Delos Reyes na tanggapin ang sinapit ng asawang si Alberto Delos Reyes sa kamay ng isang pulis sa bayan ng Buenavista.</p><p>Si Alberto ay napatay ni Police Cpl. Jay Anthony Custodio sa isang anti-illegal logging activity sa Sitio Pag-asa, Brgy. Caigangan, sa nasabing bayan noong July 30.</p><ul class="op-related-articles">	<li><a href="https://news.abs-cbn.com/news/08/04/21/magsasaka-na-nabaril-ng-pulis-sa-marinduque-nailibing-na">Magsasaka na nabaril ng pulis sa Marinduque, nailibing na</a></li></ul><p>Nagsampa na si Jennifer ng kasong murder laban sa pulis. Ayon naman sa PNP, nasa ilalim ng restrictive custody sa Police Provincial Office ng Marinduque si Custodio.</p><p>Sa panayam ng ABS-CBN News kay Jennifer nitong Miyerkoles ng hapon, sinabi nitong hustisya ang makapagpapagaan ng kanyang pakiramdam.</p><p>“Ito po ay medyo ano pa rin po hindi pa rin maano ang sitwasyon, hanggang ngayon hindi pa rin maka-move-on, syempre po hustisya pa rin po ang inaano namin sa pagkamatay ng asawa ko,&quot; aniya.</p><p>Inakusahan ni Jennifer si Custodio na bumaril sa kanyang asawa dahil napagkamalan itong illegal logger. </p><p>Inako ng pulis ang pagbaril pero sa inilabas na pahayag ng PNP, base sa salaysay ng suspek, self-defense umano ang nangyari dahil sa halip na sumuko daw si Delos Reyes ay inatake pa nito si Custodio gamit ang isang itak. </p><p>Problemado ngayon si Jennifer dahil tila nakaapekto sa kaniyang 10-taong gulang na anak ang pangyayari. </p><p>“Kagabi po siya sir nagsisisigaw, umiiyak ... nagiging mainitin po ang ulo niya nagiging palaaway po siyang bata. Hindi naman po siya ganun dati,” aniya.</p><p>Kahit paano naman ay lumawag ang pakiramdam niya nang malaman ang anunsiyo ni PNP Chief Gen. Guillermo Eleazar, tungkol sa kasong administratibo na isinampa kay Custodio.</p><p>Ayon pa sa pahayag, isinailalim na si Custodio sa pre-charge investigation ng Provincial Internal Affairs Service.</p><p>“Inatasan ko na ang Provincial Internal Affairs Service na tingnang mabuti ang insidenteng ito. Sa ngayon, hayaan nating gumulong ang imbestigasyon sa kaso,” pahayag ni Eleazar. </p><p>Dagdag pa ni Eleazar, lalabas ang katotohanan at magkakaroon ng hustisya para sa pamilya ng biktima.</p><p>Bagay na ipinagpasalamat ni Jennifer.</p><p>&quot;Nagpapasalamat po kami kasi nagkakaroon po ng linaw po,&quot; aniya.</p><p>Ang dati namang hepe ni Custodio na si Police Lt. Marson Lontoc ay nahaharap din sa kasong administratibo. </p><div><strong>— Ulat ni Andrew Bernardo</strong></div><div><strong>KAUGNAY NA BALITA</strong></div><figure class="op-interactive"><iframe allow="autoplay; fullscreen" frameBorder="0" height="100%" id="ivsplayer01" scrolling="no" src="https://player.ivideosmart.com/ivsplayer/v4/dist/html/iframe-src.html?iframeid=ivsplayer01&amp;key=e8c22c015ca9eafa76f1e3edfa03c603&amp;spid=3001339&amp;vid=1651167" width="100%"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div>

Si Alberto Delos Reyes ay napatay ni Police Cpl. Jay Anthony Custodio sa isang anti-illegal logging acitivity sa Buenavista, Marinduque noong Hulyo.