Push Admin

Duterte lumiban sa Heroes' Day rites dahil sa sama ng pakiramdam

Article (news)

ABS-CBN News

<figure class="op-interactive"><iframe height="315" src="https://www.youtube.com/embed/AqRLpFtj9so?enablejsapi=1" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p><strong>(UPDATE)</strong> Hindi nakadalo nitong umaga ng Lunes si Pangulong Rodrigo Duterte sa paggunita ng National Heroes&#x27; Day sa Taguig City dahil masama ang kaniyang pakiramdam, ayon sa kaniyang dating aide na si Sen. Christopher &quot;Bong&quot; Go.</p><p>Ayon kay Go, hindi maganda ang pakiramdam ni Duterte matapos magtrabaho ng hanggang pasado alas-4:30 ng madaling araw nitong Lunes.</p><p>&quot;He is indisposed. Seventy-four years old na po si Pangulo at kailangan niya ring magpahinga... Ang dami namin lakad. Siya si Pangulo, ang dami niyang lakad,&quot; sabi ni Go sa paggunita ng National Heroes&#x27; Day sa Libingan ng mga Bayani.</p><p>Dagdag pa ni Go na galing ang pangulo sa Davao noong nagdaang weekend at hindi rin natapos ang kaniyang trabaho roon.</p><p>Sunod-sunod umano ang mga pulong ng pangulo, kabilang ang pulong nito kay Moro National Liberation Front founding chairman Nur Misuari.</p><p>Pero sinabi ni Go na hindi dapat mabahala ang publiko sa lagay ng pangulo.</p><p>Humalili sa pangulo si House Speaker Alan Peter Cayetano, na nanguna sa flag ceremony at nag-alay ng bulaklak sa Tomb of the Unknown Soldier.</p><p>Sa isang <a href="https://news.abs-cbn.com/news/08/26/19/duterte-to-filipinos-be-everyday-heroes">pahayag</a>, hinimok ng pangulo ang taumbayan na pagnilayan ang kabayanihan ng mga taong nagbuwis ng buhay para sa kalayaan at demokrasya.</p><p>Sinabi ng pangulo na puwede ring maging bayani ang mga tao sa pamamagitan ng pagtulong sa mga nangangailangan.</p><p>&quot;Let us make our forebears proud of our triumphs as a people by being everyday heroes who will reach out to those who are in need, especially to the ones who have been neglected by society,&quot; ani Duterte sa pahayag.</p><figure class="op-interactive"><iframe height="315" src="https://www.youtube.com/embed/vL_s4FYZh4c?enablejsapi=1" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><div><strong>MGA GRUPO NAGKASA NG PROTESTA</strong></div><p>Samantala, kasabay ng National Heroes&#x27; Day, nagmartsa ang libo-libong manggagawa bilang protesta sa hindi pa rin mawakasan na sistema ng &quot;endo&quot; at pang-aabusong nararanasan ng ilang manggagawang Pinoy.</p><p>Sa Mendiola, Maynila, ipinakita ng United Workers ang kanilang galit sa pamamagitan ng pagmaso sa mga effigy ni Pangulong Duterte hanggang sa ito ay masira.</p><p>&quot;Pagtataksil sa kaniyang pangakong tatapusin niya ang kontraktuwal na eskema ng paggawa sa ating bayan,&quot; ani United Workers spokesperson Elmer Labog.</p><p>&quot;Endo&quot; at kontraktuwalisasyon ang tawag sa paulit-ulit na pagsailalim sa mga manggagawa sa iilang buwang kontrata lamang nang sa gayo&#x27;y hindi sila maging regular at magkaroon ng dagdag benepisyo.</p><p>Bukod sa mga manggagawa, nagprotesta din ang mga militanteng grupo at mga lider ng simbahan laban sa umano ay harassment at red-tagging sa mga kritiko ng pamahalaan.</p><p>Ayon sa mga grupo, paraan ito ng pamahalaan para patahimikin ang mga tumututol sa mga maling patakaran ng gobyerno. <strong>-- Ulat nina Pia Gutierrez at Zen Hernandez, ABS-CBN News</strong></p>

<p>Absent si Pangulong Duterte sa paggunita ng National Heroes' Day sa Taguig City dahil masama raw ang kaniyang pakiramdam. </p>

Absent si Pangulong Duterte sa paggunita ng National Heroes' Day sa Taguig City dahil masama raw ang kaniyang pakiramdam.