Push Admin

ALAMIN: Mga klase, sintomas ng impeksiyon sa baga

Article (news)

ABS-CBN News

<figure class="op-interactive"><iframe src="https://www.youtube.com/embed/2oz14fU9ovE?enablejsapi=1"><br/></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Kasama ang mga impeksiyon sa baga sa mga sakit na madalas na maranasan sa tag-ulan.</p><p>Paano nga ba malalaman kung may impeksiyon na sa baga?</p><p>Ibinahagi ni Isauro Guiang Jr., isang pulmonologist, sa &quot;Good Vibes&quot; ng DZMM nitong Huwebes ang ilan sa mga impeksiyon na karaniwang nakikita sa baga.</p><div><strong>BRONCHITIS</strong></div><p>Isa rito ang bronchitis o pamamaga ng mga daluyan na nagbibigay ng hangin sa baga.</p><p>Ayon kay Guiang, kadalasang naglalabas ng plema ang mga may bronchitis. Maaari ring ubuhin at lagnatin ang mayroon nito.</p><div><strong>PNEUMONIA</strong></div><p>Itinuturing namang isa sa leading cause of death ang pneumonia.</p><p>Halos katulad umano ng pneumonia ang mga sintomas ng bronchitis pero ang pagkakaiba aniya ay may lumalabas na &quot;area of whiteness&quot; sa resulta ng x-ray ng mga may pneumonia.</p><p>&quot;&#x27;Pag sinabi kasing bronchitis, lower respiratory tract infection siya. So sasabihin nating inuubo siya, maaaring may lagnat, mayroon din siyang plema. Pero pag in-x-ray, lalabas sa x-ray na &#x27;area of whiteness,&#x27;&quot; ani Guiang.</p><p>Dagdag pa ni Guiang, may &quot;naririnig&quot; na kakaiba sa baga ng may pneumonia.</p><div><strong>LARYNGITIS</strong></div><p>Sa lalamunan naman nararamdaman ang laryngitis, o iyong pamamaga ng larynx o voice box na pinanggagalingan ng boses.</p><p>Pagmamalat at pagsakit ng lalamunan ang tanging sintomas ng laryngitis.</p><p>Pero kung kasabay nito ang pagkakaroon ng ubo at plema, maaari aniyang sintomas ito ng bronchitis o kaya pharyngitis.</p><p>&quot;General term kasi ang sore throat so it&#x27;s used loosely by patients,&quot; ani Guiang.</p><div><strong>PAANO MAIIWASAN?</strong></div><p>Ayon kay Guiang, kadalasang nasusuri ang mga sakit sa baga sa pamamagitan ng chest x-ray lalo na kung malubha ito.</p><p>Dito na kasi aniya nakikita ang mga senyales ng mga malulubhang sakit gaya ng mga bukol o tubig sa baga, at iba pa.</p><p>Para maiwasan ang mga malulubhang sakit sa baga, dapat aniyang sumunod sa diet, mag-ehersisyo, umiwas sa paninigarilyo.</p><p>Inanyayahan din ni Guiang na magpabakuna kontra pneumonia.</p>