Push Admin

Higit 50 bahay ng informal settlers sa Taytay sinimulan nang gibain

Article (news)

ABS-CBN News

Higit 50 bahay ng mga informal settler sa Barangay San Juan sa Taytay, Rizal ang sinimulan nang gibain nitong Huwebes para bigyang-daan ang isang road-widening project ng lalawigan.Nalulungkot man, tanggap na ni John Michael Gardoce ang paggiba sa kanilang tahanan sa loob nang mahabang panahon.&quot;Kagabi pa lang nagbaklas na kami ng mga gamit na magagamit pa sa lilipatan... Hindi naman talaga sa amin ang lupa. Pero sa katagalan namin dito, siyempre malungkot,&quot; aniya.Pero may mga residenteng gaya ni Gema Sanchez na masama pa rin ang loob sa gagawing pagsira sa pinaghirapang bahay.&quot;Twenty years na po kami dito... Iyan na po ang pinundar namin sa umaga&#x27;t gabing trabaho. Willing kami umalis. We’re just asking na end of the school year na lang sana,&quot; hinaing ng ginang.Ayon sa probinsiya ng Rizal, 52 bahay ang ide-demolish sa kahabaan ng Highway 2000, simula sa dulo ng Barkadahan Bridge hanggang sa Creekside Hills.Noong isang buwan pa raw inabisuhan ang mga residente, ayon sa mga opisyal.&quot;Tiningnan namin ang mga road obstruction, we discovered ang lugar na ito ay pag-aari ng National Housing Authority... Kinausap naman natin ang dwellers at pinaintindi sa kanila bakit kailangan itong gawin,&quot; sabi ni Rizal Governor Rebecca Ynares.Bibigyang-daan ng demolisyon ang road widening project na layong maibsan ang mabigat na trapiko sa lugar. Inaasahang matatapos ang proyekto sa susunod na taon.&quot;Fourteen meters extra pavement para maging maluwag na ito, diretso ang flow ng traffic hanggang tulay,&quot; paliwanag ni Ferdinand Monakil, assistant district engineer ng Department of Public Works and Highways (DPWH) sa Rizal.Binigyan na ng relokasyon sa bayan ng Baras ang mga pamilyang apektado.<div>—Ulat ni Bianca Dava, ABS-CBN News</div>