Push Admin

Ina 'sinaktan' ang sanggol para balikan ng kinakasama

Article (news)

ABS-CBN News

<figure class="op-interactive"><iframe src="https://www.youtube.com/embed/nzzcq9Be7fo?enablejsapi=1"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div>Sinagip ng mga pulis at social workers ang isang 2 taong gulang na batang babae na minamaltrato umano ng sariling ina para balikan sila ng umabandonang kinakasama sa Lucena City, Quezon.Sa nakuhang video ng pulisya, kita ang pang-aabuso ng inang si alyas &quot;Julie&quot; sa sanggol niyang si alyas &quot;Heidi.&quot;Ipinapadala raw ni Julie ang mga video sa dati niyang kinakasama.Sa isang video, kita ang pag-iyak ni Heidi habang paulit-ulit na sinasampal ni Julie. Piniga pa ng ina ang mukha ng kaniyang anak.Sa isang larawan naman, kita na tinakpan ng unan ang mukha ng bata.Ang isang retrato pa, tila ginigilitan ng kutsilyo ang bata sa likod at may hinihinalang dugo pa.Napanood ng lola ng bata ang video kaya humingi siya ng tulong sa mga pulis.Agad na nagsagawa ng rescue operation ang Lucena City police at City Social Services and Development Office (CSSDO). Inamin ni Julie na siya ang kumuha ng video na ipinadala sa dating kinakasama pero kunwari lamang umanong sinasaktan niya ang anak.Hindi rin daw dugo kundi lip tint lang ang nasa likod ng bata.Nais lamang daw niyang bumalik ang kaniyang kinakasama na umabandona sa kanila habang may sakit ang kaniyang anak.&quot;Kasi po gusto ko sanang umuwi siya, tulungan man lang niya ako, makonsensiya siya,&quot; depensa ni Julie.Dagdag pa ni Julie, mahal na mahal niya ang anak at hindi niya kayang manakit.Sinuri ng social worker ang bata pero walang sugat na nakita.Pero ayon sa CSSDO, mali pa rin ang ginawa ng ina kaya kinuha muna nila si Heidi at ang isa pang 3 taong gulang na anak ni Julie.&quot;Siya muna ay maghanap ng trabaho habang ang mga bata ay sa amin muna pong pangangalaga,&quot; sabi ni Eunice Rodolfa ng CSSDO.Dadaan naman sa counselling si Julie habang pinag-aaralan din kung siya ay kakasuhan.—Ulat ni Dennis Datu, ABS-CBN News

Depensa ng ina, hindi niya ginilitan ang anak at lip tint lang ang inakalang dugo na nakita sa isang larawan.

Depensa ng ina, hindi niya ginilitan ang anak at lip tint lang ang inakalang dugo na nakita sa isang larawan.