Push Admin

19 opisyal ng Immigration bureau kinasuhan dahil sa 'pastillas' scam

Article (news)

ABS-CBN News

<figure class="op-interactive"><iframe height="315" src="https://www.youtube.com/embed/2_uQ3EGFI90?enablejsapi=1" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Kinasuhan ngayong Martes ng National Bureau of Investigation ang 19 na opisyal ng Bureau of Immigration dahil sa &#x27;pastillas&#x27; scam.</p><p>Matapos ang 5 buwang imbestigasyon, kasong paglabag sa Anti-Graft and Corrupt Practices Act ang isinampa ng NBI Special Action Unit sa Ombudsman laban sa mga opisyal.</p><p>Unang isiniwalat ni Sen. Risa Hontiveros sa Senado noong Pebrero ang modus, kung saan pinapapasok umano ng ilang taga-BI ang Chinese workers sa bansa kapalit ng P10,000 kahit kuwestiyonable ang kanilang mga dokumento. Tinawag na &#x27;pastillas&#x27; ang scam dahil sa pamamaraan umano ng pagbibigay ng suhol kapalit ng ilegal na pagpapapasok ng mga banyaga. </p><p>Sa pagsampa ng kaso, isinumite ng NBI ang palitan ng Viber messages ng mga suspek sa pag-monitor ng pagpasok ng mga Chinese worker at ang kanilang nakuha umanong suhol.</p><p>Isinumite rin ang video ng mga Chinese worker na dinadala pa sa loob ng opisina mula immigration counter.</p><p>Nakadagdag din sa ebidensiya ang testimoniya ng isang sinagip ng NBI na Philippine offshore gaming operation o POGO worker, na nabiktima ng human trafficking at nakalusot sa immigration.</p><p>Kinasuhan din ang may-ari ng travel agency na nagtitimbre umano sa mga immigration officer sa mga paparating na POGO workers.</p><p>Sa imbestigasyon, 194 POGO workers ang nakapasok dahil sa modus mula Enero hanggang Marso 2020. Lumabas din na marami sa kanila ay nandito pa rin sa bansa.</p><p>Ayon kay NBI Special Action Unit Chief Emeterio Dongallo, hinihinalang ang ilan sa mga nakapasok sa bansa ay sangkot sa mga krimeng may kinalaman sa POGO.</p><p>Ayon sa NBI, first batch pa lang ito ng mga taga-BI na kinasuhan.</p><p>Patuloy pa raw ang imbestigasyon para sa ibang mga tauhan at opisyal na kasabwat din sa mga naunang pinalusot na POGO workers noong isang taon.</p><div><strong>-- Ulat ni Niko Baua, ABS-CBN News</strong></div>

<p>Kinasuhan ngayong Martes ng National Bureau of Investigation ang 19 na opisyal ng Bureau of Immigration dahil sa 'pastillas' scam.</p>

Kinasuhan ngayong Martes ng National Bureau of Investigation ang 19 na opisyal ng Bureau of Immigration dahil sa 'pastillas' scam.