Navotas mayor ipakukulong ang magulang ng mga batang lumalabag sa curfew

ABS-CBN News

<p>MAYNILA - Nagbabala si Navotas Mayor Toby Tiangco na kakasuhan at ipakukulong ang mga magulang ng mga batang ilang beses mahuhuling lumalabag sa mga health protocol.</p><p>Sa isang Facebook post, nagpahayag si Tiangco ng pagkadismaya dahil marami na namang mga menor de edad na nahuhuling naglalaro o gumagala sa labas ng kanilang mga bahay, at lumalabag sa curfew.</p><div><script src="https://connect.facebook.net/en_US/sdk.js#xfbml=1&amp;version=v2.5" async="" type="text/javascript"></script></div><div class="fb-post" data-href="https://www.facebook.com/TiangcoToby/posts/3282462025177524" data-width="auto"> </div><p>&quot;Tandaan na sa ikatlo o higit pang beses na nahuli ang mga batang ito, maaari ng kasuhan at makulong ang kanilang mga magulang,&quot; ani Tiangco.</p><p>&quot;Maluwag na po ang mga patakaran sa GCQ (general community quarantine) pero kailangan pa rin nating maghigpit sa ilang aspeto tulad ng 24-oras na curfew sa mga menor de edad,&quot; dagdag ng alkalde.</p><p>Sa tala ng Navotas city government noong Martes, umabot na sa 4,369 ang kabuuang bilang ng COVID-19 cases sa lungsod, kung saan 490 ang active cases o hindi pa gumagaling sa sakit.</p><p>Nasa 3,756 naman ang gumaling habang 123 ang namatay dahil sa sakit, ayon sa Navotas city government.</p><p>Nananatili ang Metro Manila sa maluwag na general community quarantine hanggang Setyembre 30.</p><p>Simula noong Marso, nagpatupad ng mga community quarantine sa bansa upang makontrol ang pagkalat ng COVID-19.</p><p>Sa buong bansa, higit 224,000 na ang kabuuang bilang ng kumpirmadong COVID-19 cases, kung saan higit 62,000 ang active cases.</p><ul class="op-related-articles">	<li><a href="https://news.abs-cbn.com/news/09/01/20/philippines-covid19-cases-coronavirus-infections-tally-update-september12020">PH logs 3,483 additional COVID-19 cases; total reaches 224,264</a></li></ul><div><strong>-- May ulat ni Raya Capulong, ABS-CBN News</strong></div>

<p>Nagbabala si Navotas Mayor Toby Tiangco na kakasuhan at ipakukulong ang mga magulang ng mga batang ilang beses mahuhuling lumalabag sa mga health protocol.</p>

Nagbabala si Navotas Mayor Toby Tiangco na kakasuhan at ipakukulong ang mga magulang ng mga batang ilang beses mahuhuling lumalabag sa mga health protocol.