Push Admin

ALAMIN: Paglabag ba sa kalayaan ng mga bata ang curfew?

Article (news)

ABS-CBN News

<figure class="op-interactive"><iframe src="https://www.youtube.com/embed/P5eE1V0uDlY?enablejsapi=1"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>MAYNILA — Kamakailan ay sinimulan ng Manila City ang estriktong pagdampot sa mga menor de edad na lumalabag sa <a href="https://news.abs-cbn.com/news/09/02/19/pagpapatupad-ng-curfew-on-minors-sa-maynila-hihigpitan">curfew</a>.</p><p>Pero dati nang sinabi ng ilang grupo na paglabag ang ordinansa sa kalayaan ng kabataan na gumalaw nang malaya.</p><p>Ayon sa abogadong si Atty. Claire Castro, may katuwiran naman ang pagpapatupad ng curfew lalo&#x27;t buhay ng kabataan ang nakataya rito.</p><p>May tinatawag aniyang &quot;police power&quot; ang gobyerno na ginagamit para sa pagpapanatili ng kaayusan.</p><p>&quot;Parte ito ng paano mo pahahalagahan ang peace and order and kung paano mo ba mapapangalagaan ang constituents mo,&quot; ani Castro sa programang &quot;Usapang de Campanilla&quot; ng DZMM noong Martes.</p><p>&quot;Sabihin natin na restricted ang mga galaw ng bata. Pero kailangan natin ito for their protection kasi menor de edad sila,&quot; dagdag niya.</p><p>Magkakaroon lang aniya ito ng paglabag sa Saligang Batas kapag hindi menor de edad ang huhulihin dahil sa curfew.</p><div><strong>Sakop ng ordinansa</strong></div><p>Sa ilalim ng Ordinance No. 8547 ng Maynila, ipinagbabawal ang paggala ng mga may edad 17 pababa sa mga pampublikong lugar simula alas-10 ng gabi hanggang alas-4 ng madaling araw.</p><p>Ayon kay Castro, mas mananagot ang mga guardian sa ordinansa.</p><p>&quot;Siyempre kayong nasa legal na edad, at kayo ang nakakaalam ng tama at mali, at kung mali ang payagan ang iyong mga anak na [lumabas],&quot; ani Castro.</p><p>Giniit ni Castro na mainam ang pagpapatupad ng ganitong ordinansa para sa kaligtasan ng kabataan.</p><p>Nasa P2,000 ang multa sa guardian ng violator na may edad 15 hanggang 17; P3,000 naman sa guardian ng violator na may edad 13 hanggang 14; at P5,000 ang multa at 6 buwang pagkakakulong sa guardian ng violator na 12 anyos pababa.</p>