SAPUL SA CCTV: Kabayo sugatan matapos banggain ang kalesa sa Ilocos Norte

TRIGGER WARNING: ANIMAL INJURED

Watch more News on iWantTFC

Nasugatan ang isang kabayo matapos mabangga ng bus ang kalesa nito. Ayon sa mga awtoridad, maaaring nagkaareglo na ang dalawang partido dahil hindi naiparating sa kanila ang insidente. Courtesy: VA Jan Carlo

Sugatan ang isang kabayo matapos mabangga ng bus ang kalesa nito nitong Sabado ng umaga, sa Laoag City, Ilocos Norte.

Batay sa CCTV, nahagip ng bus ang kalesa habang papunta sa parehong direksyon. Natumba ang kabayo at tumama pa sa nakaparadang tricycle.

Ayon sa nagbahagi ng video na si VA Jan Carlo, tumigil ang bus at kinausap ng konduktor ang mga nasangkot sa insidente.

Sugatan umano ang kabayo, at hindi naman nasaktan ang kutsero.

Ayon sa Laoag City Traffic Division, hindi na naiparating sa kanila ang insidente at maaaring nagkaaregluhan na ang mga ito.

Pero pinatawan umano ng kompanya ng bus ang driver ng preventive suspension.

-- Ulat ni Dianne Dy

Watch more News on iWantTFC