Push Admin

Marami sa mga rape cases sa Davao City ngayong 2022, menor de edad ang biktima

Article (news)

ABS-CBN News

<p>DAVAO CITY — Mahigit kalahati sa 100 mga naisampang kaso ng rape sa lungsod na ito mula Enero hanggang Agosto ngayong taon ay kinasasangkutan ng mga menor de edad na biktima.</p><p>Ayon sa datos, 68 sa mga kaso ay may mga biktimang nasa edad 12 hanggang 17.</p><p>Sa mga complainants naman, 91 ang mga babae, habang siyam ang lalaki.</p><p>Hinggil sa mga suspek, 40 ang naaresto na at 60 naman ang pinaghahanap pa.</p><p>Ayon sa taga-pagsalita ng Davao City Police Office (DCPO), nagsasagawa na ng lectures ang mga awtoridad para sa mga mag-aaral hanggang high school tungkol sa “safe and unsafe touch”.</p><p>Ito ay para mabigyang babala ang mga bata sa mga posibleng krimen gaya ng panggagahasa at anumang pang-aabuso.</p><p>Pumirma ng kasunduan ang city government at Department of Education upang isali ang gender-related crimes tulad ng sexual abuse sa ituturo sa mga estudyante para madagdagan ang kaalaman nila ukol dito.</p><p>Maraming barangay rin ang dumudulog sa Integrated Gender and Development Division (IGDD), para makapagsagawa ng lecture sa gender-sensitivity sa mga lalaki.</p><p>Dagdag ng DCPO, iniimbestigahan na rin ngayong ang mga nagpapakalat, nagbebenta, at bumibili ng mga malalaswang larawan at video online.</p><div><strong>- Ulat ni Chrislen Bulosan</strong></div><div><strong>MULA SA ARCHIVE</strong></div><figure class="op-interactive"><iframe height="315" src="https://www.youtube.com/embed/0LrM1uHWJOM?enablejsapi=1" width="560"></iframe></figure><div class="iwantbar">Watch more News on <a href="https://www.iwanttfc.com/#!/browse/Genres/News/tag_id_genres/id_news" target="_blank">iWantTFC</a></div>

Umabot na sa 100 ang mga naisampang kaso ng rape sa lungsod mula Enero hanggang Agosto ngayong taon.