Push Admin

Mga lugar na dadaanan ng Ompong, naghanda na

Article (news)

ABS-CBN News

<ul>	<li><strong>Ompong, inihalintulad sa Lawin noong 2016</strong></li>	<li><strong>Ilang residente, nagsimula nang lumikas</strong></li>	<li><strong>Mga magsasaka, inani na ang mga pananim</strong></li></ul><p>MAYNILA -- Pinaghandaan nitong Huwebes ng mga residenteng nakatira sa mga lugar na dadaanan ng bagyong Ompong ang inaasahang hagupit ng umano ay pinakamalakas na bagyong tatama sa bansa ngayong taon.</p><p>Inaasahang magla-landfall ang Ompong sa may bahagi ng mga lalawigan ng Cagayan at Isabela sa umaga ng Sabado, at magdadala ng mga malalakas na pag-ulan sa loob ng 90 kilometrong diamater nito, sabi ng state weather bureau na Philippine Atmospheric, Geophysical and Astronomical Services Administration (PAGASA).</p><p>Ayon pa sa PAGASA, ang Ompong, na pumasok sa bansa noong Miyerkoles, ang &quot;<a href="https://news.abs-cbn.com/news/09/12/18/strongest-to-hit-ph-this-year-mangkhut-intensifies-further-as-it-nears-par">pinakamalakas na bagyo</a> na dumadaan sa ating bansa ngayong taon.&quot;</p><figure class="op-interactive"><div id="IVS_ABS_Body_Video_1_Container"> <ivs-player id="IVS_ABS_Body_Video_1" data-ivs-spid="3001339" data-ivs-key="e8c22c015ca9eafa76f1e3edfa03c603" data-ivs-vid="1424543" data-ivs-floating="1"></ivs-player> <script src="https://player.ivideosmart.com/ivsplayer/v4/dist/js/iframe-parent.js"></script> <script src="https://player.ivideosmart.com/ivsplayer/v4/dist/js/loader.js"></script> </div></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Sa Tuguegarao City, Cagayan, maghapong nag-ikot nitong Huwebes ang pamahalaang lokal, rescue team, at mga pulis sa mga barangay na posibleng bahain at magkaroon ng landslide o pagguho ng lupa.</p><p>Pinaalalahanan din ang mga residente na agad lumikas bago pa man tuluyang maramdaman ang hagupit ng Ompong.</p><p>&quot;Noon kasi medyo matigas ang ulo ng mga tao kasi wala pa silang experience... Ngayon ang mga tao medyo sasang-ayon sila kaagad,&quot; ani Tuguegarao Mayor Jefferson Soriano.</p><p>Hindi naman maiwasan ng ilang mga residente ng Tuguegarao na ikumpara ang paparating na bagyo sa bagyong Lawin noong 2016.</p><p><a href="https://news.abs-cbn.com/news/09/13/18/pagasa-likens-ompong-to-supertyphoon-lawin">Inihalintulad </a>din ng PAGASA ang Ompong sa Lawin na dumaan sa hilagang bahagi ng Luzon at kumitil sa buhay ng walo katao.</p><p>Ayon sa residenteng si Sofia Langkay, na-trauma na siya sa sinapit sa Lawin.</p><p>Ipinagkibit-balikat lamang daw niya noon ang Lawin dahil mainit naman ang panahon bago ito manalasa sa kanilang lugar.</p><p>&quot;Lilikas kami kasi natatakot na kami. Noong bagyong Lawin, nako, grabe! Parang mahimatay na kami sa takot,&quot; ani Langkay.</p><figure class="op-interactive"><div id="IVS_ABS_Body_Video_2_Container"> <ivs-player id="IVS_ABS_Body_Video_2" data-ivs-spid="3001339" data-ivs-key="e8c22c015ca9eafa76f1e3edfa03c603" data-ivs-vid="1424547" data-ivs-floating="1"></ivs-player> <script src="https://player.ivideosmart.com/ivsplayer/v4/dist/js/iframe-parent.js"></script> <script src="https://player.ivideosmart.com/ivsplayer/v4/dist/js/loader.js"></script> </div></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Sa bayan ng Santa Ana, Cagayan, sinabi ng alkaldeng si Darwin Tobias na magsasagawa sila ng preemptive evacuation lalo sa mga barangay na malapit sa dalampasigan.</p><p>Inaasahan kasi ang mga daluyong o <a href="https://news.abs-cbn.com/news/09/13/18/6-meter-storm-surges-to-hit-cagayan-isabela-ilocos-sur-pagasa">storm surge</a> na may taas na 6 na metro o 19 talampakan sa mga dalampasigan ng Cagayan, Isabela, at Ilocos Sur.</p><p>Itinali na ng mga residente ang mga bubong ng kanilang mga bahay at nilagyan ng tabing ang mga babasaging bintana.</p><p>Itinago naman ng mga may-ari ng mga tindahan ang kanilang mga paninda para hindi matangay ng hangin o ng mga mananamantala.</p><p>Hindi na rin isinugal ng ilang mangingisda ang kanilang buhay at hindi na pumalaot.</p><p>&quot;Noong Martes pa lang, talagang alam na naming may bagyo, sinafety na namin lahat kasi mas malaki mawawala sa amin kapag saka ka lang kikilos &#x27;pag andiyan na,&quot; anang mangingisdang si Ronie Villena.</p><figure class="op-interactive"><div id="IVS_ABS_Video_Widget_3_Container"><ivs-player id="IVS_ABS_Video_Widget_3" allow="autoplay" data-ivs-key="e8c22c015ca9eafa76f1e3edfa03c603" data-ivs-spid="3001339" data-ivs-wid="f5fb7bd1-3880"></ivs-player><script src="https://player.ivideosmart.com/ivsplayer/v4/dist/js/loader.js"></script></div></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Sa bayan ng Pasuquin, Ilocos Norte, nagsimula nang lumikas sa evacuation centers ang ilang pamilya.</p><p>Lumikas na rin ang mga nakatira malapit sa dagat sa bayan ng Pagudpud, na kilalang puntahan ng mga turista dahil sa mga naggagandahang beach. </p><p>Minabuti na ng mga hotel at resort owner sa Pagudpud na paalisin ang mga bisita at huwag na munang tumanggap ng mga bagong booking habang may banta ng Ompong.</p><figure class="op-interactive"><div id="IVS_ABS_Body_Video_4_Container"> <ivs-player id="IVS_ABS_Body_Video_4" data-ivs-spid="3001339" data-ivs-key="e8c22c015ca9eafa76f1e3edfa03c603" data-ivs-vid="1424545" data-ivs-floating="1"></ivs-player> <script src="https://player.ivideosmart.com/ivsplayer/v4/dist/js/iframe-parent.js"></script> <script src="https://player.ivideosmart.com/ivsplayer/v4/dist/js/loader.js"></script> </div></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Sa Batanes, nag-ikot din ang mga awtoridad para paalalahanan ang mga residente na maghanda.</p><p>Itinali na rin ng mga residente ang kanilang mga bubong at pinutol ang ilang puno sa kanilang mga bakuran.</p><p>Inihayag din ng mga residente na handa silang lumikas kapag tumaas ang alon.</p><p>&quot;Doon kami [lilikas] sa mga kamag-anak namin doon sa may bandang taas,&quot; anang residenteng si Perla Vasol.</p><p>Nag-imbak na rin ng tubig ang mga residente sakaling magkaubusan gaya ng nangyari noong 2016 sa paghagupit ng bagyong Ferdie.</p><p>Samantala, inani na ng mga magsasaka mula sa mga lalawigang dadaanan ng Ompong ang kanilang mga tanim. Ibinenta na nila ito sa halip na masira ng bagyo at wala silang kitain.</p><figure class="op-interactive"><div id="IVS_ABS_Body_Video_5_Container"> <ivs-player id="IVS_ABS_Body_Video_5" data-ivs-spid="3001339" data-ivs-key="e8c22c015ca9eafa76f1e3edfa03c603" data-ivs-vid="1424527" data-ivs-floating="1"></ivs-player> <script src="https://player.ivideosmart.com/ivsplayer/v4/dist/js/iframe-parent.js"></script> <script src="https://player.ivideosmart.com/ivsplayer/v4/dist/js/loader.js"></script> </div></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Bagaman wala sa direksiyon ng bagyo, naghanda na rin ang mga taga-Metro Manila para sa Ompong.</p><p>Ayon sa PAGASA, maaapektuhan lamang ang Metro Manila ng &quot;outermost periphery&quot; ng bagyo, na may layong 500 kilometro sa mata nito.</p><ul class="op-related-articles">	<li><a href="https://news.abs-cbn.com/news/09/13/18/ompong-to-bring-thunderstorms-in-metro-manila-until-weekend-pagasa">&#x27;Ompong&#x27; to bring thunderstorms in Metro Manila until weekend: PAGASA</a></li></ul><p>Sa Biyernes pa inaasahang mararamdaman ang epekto ng bagyo sa kabisera.</p><p>Sa Quezon City, sapilitang ililikas ang mga residente sa ilang lugar na delikadong malubog sa baha.</p><p>Ininspeksiyon na rin ang mga paagusan sa lungsod bilang paghahanda sa posibilidad ng baha.</p><figure class="op-interactive"><div id="IVS_ABS_Body_Video_6_Container"> <ivs-player id="IVS_ABS_Body_Video_6" data-ivs-spid="3001339" data-ivs-key="e8c22c015ca9eafa76f1e3edfa03c603" data-ivs-vid="1424521" data-ivs-floating="1"></ivs-player> <script src="https://player.ivideosmart.com/ivsplayer/v4/dist/js/iframe-parent.js"></script> <script src="https://player.ivideosmart.com/ivsplayer/v4/dist/js/loader.js"></script> </div></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Nakaalerto naman ang mga rescue team sa Valenzuela City at inihanda na rin ang relief goods para sa 5,000 pamilya.</p><p>Namigay rin ang ilang opisyal ng barangay sa lungsod ng mga life jacket at rescue equipment sa mga residente.</p><p>Magdamag na pagbabantay naman ang isasagawa sa lalawigan ng Bulacan dahil sa banta ng pagbaha sa ilang bayan.</p><p>Marami nang lugar, karamihan sa Luzon, ang nagsuspende ng mga pasok hanggang Sabado dahil sa Ompong.</p><ul class="op-related-articles">	<li><a href="https://news.abs-cbn.com/news/09/13/18/walangpasok-setyembre-14-15-16">#WalangPasok: Setyembre 14, 15, 16</a></li></ul><div><em> Bumisita sa <a href="https://news.abs-cbn.com/weather">ABS-CBN Weather Center </a>para sa updates tungkol sa lagay ng panahon.</em></div><div><strong>-- Ulat nina Raya Capulong, Raphael Bosano, Jeck Batallones, Jeff Canoy, Doris Bigornia, at Angel Movido</strong></div>

<p>Pinaghandaan nitong Miyerkoles ng mga residenteng nakatira sa mga lugar na dadaanan ng bagyong Ompong ang inaasahang hagupit ng umano ay pinakamalakas na bagyong tatama sa bansa ngayong taon. </p>

Pinaghandaan nitong Miyerkoles ng mga residenteng nakatira sa mga lugar na dadaanan ng bagyong Ompong ang inaasahang hagupit ng umano ay pinakamalakas na bagyong tatama sa bansa ngayong taon.