Push Admin

ALAMIN: Guidelines para sa alert level system na ipatutupad simula Setyembre 16

Article (news)

ABS-CBN News

<div class="embed-wrap"><figure data-feedback="fb:likes,fb:comments"><img alt="Checkpoint sa may tulay sa Santa Ana, Maynila noong Agosto 18, 2021." src="http://sa.kapamilya.com/absnews/abscbnnews/media/2021/news/09/14/20210818-covi-mobility-ecq-manila-gc-4527.jpg?ext=.jpg"/><figcaption>Checkpoint sa may tulay sa Santa Ana, Maynila noong Agosto 18, 2021. <em>George Calvelo, ABS-CBN News</em></figcaption></figure></div><p>MAYNILA <strong>(UPDATE)</strong> — Inilabas ngayong Martes ng Inter-Agency Task Force (IATF) on Emerging Infectious Diseases ang guidelines para sa ipatutupad na alert level system simula Setyembre 16.</p><p>Simula Huwebes, ipatutupad sa National Capital Region ang alert level system, na papalit sa community quarantine statuses sa pagtatakda ng mga restriction.</p><p>Ayon sa IATF, ipapatupad ang alert level system sa mga lugar base sa kondisyon ng COVID-19 cases at estado ng health care utilization rate doon.</p><p>Ipatutupad ang Alert Level 1 kung kaunti ang kaso at pababa na ang COVID-19 transmission, at mababa rin ang total bed utilization rate at intensive care unit (ICU) utilization rate.</p><p>Dito, bukod sa granular lockdown areas, lahat ng establisimyento at aktibidad ay maaaring mag-operate, at papayagan din ang full on-site, venue o seating capacity basta susunod sa minimum health standards.</p><figure class="op-interactive"><iframe allow="autoplay; fullscreen" frameBorder="0" height="100%" id="ivsplayer01" scrolling="no" src="https://player.ivideosmart.com/ivsplayer/v4/dist/html/iframe-src.html?iframeid=ivsplayer01&amp;key=e8c22c015ca9eafa76f1e3edfa03c603&amp;spid=3001339&amp;vid=1773808" width="100%"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Alert Level 2 naman ang ipapatupad sa lugar kung saan pababa na ang case transmission, at mababa pero tumataas ang health care, total bed, at ICU utilization rates.</p><p>Papayagan ang 50 porsiyento on-site, venue o seating capacity. Pero puwede pa ring taasan ng dagdag na 10 porsiyento kung may safety seal certification ang mga industriya, gaya ng indoor visitor o tourist attractions, libraries, museums, at iba pa.</p><p>Kasama rin sa papayagan ang mga indoor entertainment venue gaya ng karaoke bars, bars, clubs, concert halls, theaters, at sinehan.</p><p>Puwede rin ang indoor dine-in services sa mga restaurant at iba pang kainan, gayundin ang indoor sports courts or venues, fitness studios, gyms, spas at iba pang indoor leisure centers o facilities.</p><p>Pagdating naman sa Alert Level 3 kung saan mataas o tumataas ang kaso ng COVID-19 gayundin ang total bed at ICU utilization rate, babawasan sa 30 porsiyento ang mga puwedeng mag-operate sa Alert Level 2 areas.</p><p>Sa ilalim ng Level 3, bawal ang mga sumusunod:</p><ul>	<li>Indoor entertainment venues tulad ng cinemas at venues na may live performers</li>	<li>Outdoor at indoor amusement parks or theme parks, funfairs o perya, at kid amusement industries</li></ul><p>Alert Level 4 naman ang ipatutupad sa mga lugar kung saan mataas at patuloy na tumataas ang COVID-19 case count, at itinuturing na &quot;high&quot; ang total bed at ICU utilization rate dito.</p><p>Sa ilalim ng Level 4, mas mahigpit ang mga industriya dahil nakapako lang sa 10 porsiyento ang papayagang indoor dine-in pero para lang sa mga fully vaccinated; habang 30 porsiyento naman sa outdoor o al-fresco dine-in pero puwede kahit sa mga hindi bakunado.</p><figure class="op-interactive"><iframe allow="autoplay; fullscreen" frameBorder="0" height="100%" id="ivsplayer01" scrolling="no" src="https://player.ivideosmart.com/ivsplayer/v4/dist/html/iframe-src.html?iframeid=ivsplayer01&amp;key=e8c22c015ca9eafa76f1e3edfa03c603&amp;spid=3001339&amp;vid=1773984" width="100%"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Hindi papayagan ang mga indoor visitor o tourist attraction, library, at iba pang indoor venue at entertainment venue.</p><p>Bawal din ang mga sumusunod:</p><ul>	<li>Casinos, horse racing, cockfighting at ibang gaming establishments bukod sa mga nauna nang inaprubahan ng IATF o Office of the President</li>	<li>Social events tulad ng concerts, parties, at wedding receptions</li>	<li>Indoor sports courts o venues, fitness studios, gyms at spas</li>	<li>Lahat ng uri ng contact sports bukod sa bubble-type setup</li>	<li>Personal care services gaya ng beauty salons, beauty parlors, gayundin ang specialized markets ng Department of Tourism tulad ng staycations</li></ul><p>Papayagan sa Alert Level 4 ang individual outdoor exercises, pero dapat sa lugar kung saan malapit ang tirahan.</p><p>Samantala, sa Alert Level 5 naman tutukuyin ang mga lugar na maituturing na alarming ang kaso ng COVID-19 at &quot;critical&quot; ang total bed at ICU utilization rate.</p><p>Sa lebel na ito, ipatutupad ang guidelines ng enhanced community quarantine (ECQ) status na nauna nang inaprubahan ng IATF.</p><div><strong>Alert Level 4 sa Metro Manila</strong></div><p>Simula Huwebes, Alert Level 4 ang ipatutupad sa buong Metro Manila, na tatagal nang 2 linggo, ayon sa Department of the Interior and Local Government.</p><p>Ayon kay Interior Undersecretary Epimaco Densing, pinagbasehan dito ang pagtaas ng daily attack rate o dumaraming kaso ng COVID-19 kada araw, at health care utilization rate o bilang ng mga pasyente sa mga ospital.</p><p>Sa ngayon, 76 porsiyento ang health care utilization rate sa Kamaynilaan.</p><p>Nilinaw ni Densing na iisang alert level ang ipatutupad sa Metro Manila, at magiging mas maluwag ang Alert Level 4 kaysa sa kasalukuyang umiiral na modified ECQ.</p><p>Dahil mas maraming aktibidad ang papayagan, sasabayan ito ng mga granular lockdown para mapigilan ang pagkalat ng sakit.</p><figure class="op-interactive"><iframe allow="autoplay; fullscreen" frameBorder="0" height="100%" id="ivsplayer01" scrolling="no" src="https://player.ivideosmart.com/ivsplayer/v4/dist/html/iframe-src.html?iframeid=ivsplayer01&amp;key=e8c22c015ca9eafa76f1e3edfa03c603&amp;spid=3001339&amp;vid=1773988" width="100%"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Ayon naman kay Metropolitan Manila Development Authority Chairman Benhur Abalos, iiklian na rin ang curfew sa Kamaynilaan simula Huwebes.</p><p>Mula alas-10 ng gabi hanggang alas-4 ng madaling araw na ang bagong curfew mula sa dating alas-8 ng gabi hanggang alas-4 ng madaling araw.</p><ul class="op-related-articles">	<li><a href="https://news.abs-cbn.com/video/news/09/14/21/ncr-to-shorten-curfew-in-shift-to-alert-4-quarantine">Metro Manila to shorten curfew in shift to Alert 4 quarantine</a></li></ul><p>Sinimulan na rin ngayong Martes ng mga mayor sa Metro Manila na pag-aralan ang ibinabang guidelines.</p><p>Sa Quezon City, sinabi ni Mayor Joy Belmonte na ibabangga niya ang guidelines sa mga panuntunang ipinapatupad na para swak sa sitwasyon ng lungsod.</p><p>Ayon naman kay Valenzuela Mayor Rex Gatchalian, handa rin siyang sundin ang IATF guidelines, na aniya&#x27;y halos pareho lang sa ipinatutupad ngayon.</p><p>Maglalabas umano si Gatchalian ng do&#x27;s and don&#x27;ts sa siyudad at ipapaskil din sa social media.</p><p>Para naman kay San Juan Mayor Francis Zamora, magandang incentive ang alert system para mahikayat ang mga tao na magpabakuna.</p><p>Pabor si Zamora na bigyan ng kaunting kaluwagan ang mga bakunado.</p><div><strong>— May ulat nina Joyce Balancio, Pia Gutierrez at Doris Bigornia, ABS-CBN News</strong></div>