Push Admin

Trak nahulog sa bangin sa South Cotabato; 20 patay

Article (news)

ABS-CBN News

<figure class="op-interactive"><iframe height="315" src="https://www.youtube.com/embed/MUIzQqaoO6w?enablejsapi=1" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p><strong>(UPDATE)</strong> Ang masaya sanang outing ay nauwi sa trahedya nang mamatay ang aabot sa 20 katao matapos mahulog ang isang elf truck sa bangin sa T&#x27;boli, South Cotabato nitong Martes. </p><p>Ayon kay Police Maj. Bernie Faldas ng T&#x27;boli Municipal Police Station, nasa 20 na ang patay sa aksidente. </p><p>Galing sa beach sa General Santos City ang elf truck na lulan ang magkakamag-anak at magkakapitbahay nang mawalan ng preno ang sasakyan sa Lambagan Lamsolome T&#x27;boli Road. </p><p>Dahilan ito para mahulog ang trak sa bangin na tinatayang nasa 50 metro ang lalim. Sakay ng trak ang halos 30 pasahero. </p><p>Dead on the spot ang aabot sa 15 katao, habang may limang isinugod sa Upper Valley Community Hospital sa bayan ng Surallah, pero dead on arrival din ang mga ito.</p><p>Nasa 14 naman ang nasugatan sa aksidente. </p><p>Isinugod sa iba pang ospital sa South Cotabato ang iba pang mga biktima. Nasa pangangalaga na rin ngayon ng mga punerarya sa Surallah ang mga labi ng mga biktima. </p><p>Bukod sa mga patay, may mga kritikal at sugatan pa sa ospital. Mayroon ding iba pang mga biktima na hindi pa nahahahanap. </p><p>Sa ngayon, nagpapagaling pa ang iba pang sugatan sa disgrasya. Wala ring malay sa ngayon ang drayber ng trak. </p><p>Tinitingnan ng T&#x27;boli Municipal Police Station kung may kinalaman sa kalagayan ng daan, pagkakamali ng drayber o pagkawala ng preno ang sanhi ng aksidente. </p><p>Ang kalsada ay ang pinakamalapit na daanan papuntang Surallah mula General Santos City. </p><p>Pero wala itong mga road barrier kaya pinag-iingat ng mga awtoridad ang mga dumaraan dito. </p><div><strong>-- Ulat nina Jay Dayupay at Francis Canlas, ABS-CBN News </strong></div>