Push Admin

Magkahiwalay na ulo, katawan ng lalaki natagpuan sa Negros Occidental

Article (news)

ABS-CBN News

<h3>TRIGGER WARNING: Decapitation</h3><div class="embed-wrap"><figure data-feedback="fb:likes,fb:comments"><img alt="Retrato mula sa Talisay City PNP" src="https://sa.kapamilya.com/absnews/abscbnnews/media/2022/news/09/18/negros-crime.jpg"/><figcaption><em>Retrato mula sa Talisay City PNP</em></figcaption></figure></div><p>Natagpuan Sabado ng gabi ang magkahiwalay na ulo at katawan ng isang lalaki sa Talisay City, Negros Occidental, ayon sa mga awtoridad.</p><p>Pasado alas-10 ng gabi nang iulat ng motorista sa pulisya ang nakita niyang ulo sa gitna ng daan sa Barangay Zone 16.</p><p>Nang puntahan ng mga imbestigador, nakita umano nila ang pugot na ulo. At 27 talampakan mula rito ay nahanap naman ang katawan nito.</p><p>Ayon sa mga awtoridad, nakasuot ng itim na pantalon at brief ang biktima, na tinatayang 35 hanggang 45 ang edad at may taas na 5&#x27;4. May nakita rin umanong tattoo na &quot;M. D 4 BOYS&quot; sa kaniyang kanang balikat.</p><p>Nakagapos sa likod ang mga kamay nito. </p><p>Mayroon din umanong nakitang sugat sa ulo na pinaniniwalaang tama ng bala.</p><p>&quot;Baka sakali po itinapon na lang po dito. Patay na po siya nang inilaglag siya rito,&quot; sabi ni Lt. Dan Oliver Salazar, deputy chief ng Talisay police.</p><p>Nakikipag-ugnayan ngayon ang Talisay police sa mga istasyon sa mga karatig-bayan at lungsod kung may iniulat na missing person.</p><div><strong>— Ulat ni Angelo Angolo</strong></div>

Natagpuan Sabado ng gabi ang magkahiwalay na ulo at katawan ng isang lalaki sa Talisay City, Negros Occidental, ayon sa mga awtoridad.