Push Admin

Pagkakakilanlan ng 'drug queen' inilantad; mga kaanak, katrabaho dumepensa

Article (news)

ABS-CBN News

<figure class="op-interactive"><iframe height="315" src="https://www.youtube.com/embed/42AV6Awjtvo?enablejsapi=1" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>MAYNILA — Binigyang mukha na ng pulisya nitong Miyerkoles ang tinagurian nilang &quot;drug queen&quot; ng Maynila bilang si dating barangay chairwoman ng Sampaloc na si Guia Gomez Castro.</p><p>Kinilala ni Manila Police District (MPD) director Police Brig. Gen. Vicente Danao si Castro na umano&#x27;y dawit sa recycling ng mga ilegal na droga sa tulong ng ninja cops.</p><p>Kinumpirma din ito ni National Capital Region Police Office (NCRPO) chief Guillermo Eleazar sa pamamagitan ng isang drug matrix.</p><p>Nauna nang sinabi ng Philippine Drug Enforcement Agency (PDEA) noong Linggo na may isang drug queen na protektado ng mga tiwaling pulis. </p><p>Galing pa raw sa mga operasyon ng pulis ang suplay ng droga ni Castro. Kumikita umano ito ng P20 milyon kada linggo.</p><p>Ayon sa Philippine National Police (PNP), mayroong 16 police officers na konektado sa illegal drug operation ni Castro.</p><div><strong>TUMAKAS?</strong></div><p>Samantala, sinabi ng Bureau of Immigration (BI) na nakalabas na ng bansa si Castro papuntang Bangkok, Thailand noong Setyembre 21.</p><p>&quot;As per travel records, she indeed recently left the country but with no derogatory records, hence she was allowed to depart,&quot; ani BI Spokesperson Dana Sandoval.</p><p>Wala rin umanong nakalagay na petsa ng pagbabalik ni Gomez.</p><div><strong>SINO SI GUIA GOMEZ CASTRO?</strong></div><p>Si Castro ay isang barangay chairwoman ng Sampaloc, Maynila.</p><p>Pero batay sa record ng barangay, nagsumite ng leave of absence si Castro simula Abril 25 hanggang Hunyo 25 pero hanggang ngayon ay hindi pa ito muling nagpapakita. </p><p>Kasalukuyang humahalili kay Castro si Antonio Calma, isang kagawad.</p><p>Ayon sa mga kaanak at katrabaho ni Castro sa barangay, nagulat sila sa alegasyon ng pulisya laban sa kanilang opisyal.</p><p>&quot;Nagulat kami sa alegasyon. Di ko naman siya nakikitaan ng droga,&quot; sabi ni Katrina Moya, sekretarya sa barangay. </p><p>&quot;Pag may kailangan kami nagvi-video chat siya,&quot; sabi naman ng kagawad na si Errold dela Cruz.</p><p>Sabi ng isang kaanak ni Castro na ayaw magpakilala, madalas daw talagang lumipad paibang bansa ang chairman. </p><p>Samantala, pinayuhan ni Manila Mayor Isko Moreno si Castro na lumantad na lang.</p><p>&quot;Sa pamilya ni Castro palutangin niyo na [&#x27;yan],&quot; sabi ni Moreno. </p><div><strong>&#x27;NINJA COPS&#x27; PAPANGALANAN</strong></div><figure class="op-interactive"><iframe height="315" src="https://www.youtube.com/embed/0cWKxDimUVw?enablejsapi=1" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Samantala, nakatakdang isumite ng PDEA kay Pangulong Rodrigo Duterte ngayong gabi ang kanilang listahan ng mga pulis na sangkot sa ilegal na droga.</p><p>Sa tala ng PDEA, aabot sa halos 900 ang mga miyembro ng PNP ang nasa drugs watch list. Aktibo dito ang 372 pulis habang 482 naman ang nag-AWOL o natanggal sa serbisyo.</p><p>Sa kabuuan, 87 rito ang mga ninja cops o sinasabing sangkot sa pagre-recyle ng droga o pinagkakakitaan ang drug operations.</p><p>Sabi ni PDEA director general Aaron Aquino, lumawak na rin ang operasyon ng ninja cops sa iba&#x27;t ibang rehiyon ng bansa. <strong>—Ulat nina Zyann Ambrosio, Angel Movido, at Johnson Manabat, ABS-CBN News</strong></p>

<p>Binigyang mukha na ng pulisya ang tinagurian nilang "drug queen" ng Maynila bilang si dating barangay chairwoman ng Sampaloc na si Guia Gomez Castro.</p>

Binigyang mukha na ng pulisya ang tinagurian nilang "drug queen" ng Maynila bilang si dating barangay chairwoman ng Sampaloc na si Guia Gomez Castro.