'Mag-late enrollment na lang sa halip na huminto sa pag-aaral'

ABS-CBN News

<figure class="op-interactive"><iframe src="https://www.youtube.com/embed/KqXdhfvmGvs?enablejsapi=1"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>MAYNILA - Hinikayat ng Department of Education ang mga magulang na mag-late enrollment. Ito ay sa harap ng pasya ng ilang magulang na ipagpaliban ang pag-aaral ng kanilang mga anak ngayong taon dahil sa coronavirus disease (COVID-19) pandemic.</p><p>Para kay Education Secretary Leonor Briones, malaking kawalan sa mga bata kapag hindi nakapag-enroll ngayong taon.</p><p>&quot;Learning must continue and education cannot wait. Our children cannot wait. We cannot afford a delay of even 6 months to 1 year of their learning process because we all know that the damage would be incalculable,&quot; ani Briones.</p><p>Ayon sa datos ng DepEd, nasa higit 3 milyon ang hindi pa nakakapag-enrol para sa papasok na school year. Pero pinapayagan naman daw ang late enrollment hanggang Nobyembre.</p><p>Sisimulan ang klase sa mga pampublikong paaralan sa pamamagitan ng blended learning, o halong offline at online learning sa Oktubre 5, ngayong iniiwasan ang face-to-face classes dahil sa pandemya.</p><p>Isa ang anak ni Fernando Dela Cruz na si Jayven sa mga hindi makakapasok sa paparating na school year. Hindi kasi kaya ni Dela Cruz na pag-aralin ang anak, ngayong P200 hanggang P300 lang ang kaniyang kinikita sa pamamasada ng tricycle.</p><p>&quot;Nagba-boundary po ako dito tapos 3 yung anak ko na pinapakain, umuupa pa ako ng bahay, pagkain, &#x27;di na kaya,&quot; ani Fernando.</p><p>Hindi rin nakapag-enroll ang tatlo sa apat na anak ni Analyn Santiago.</p><p>Aabot sa P300 kada araw ang kinikita ni Santiago sa pagtitinda ng sampaguita. Wala ring trabaho ang kaniyang mister.</p><p>Kakayanin naman daw niyang mairaos sa pag-aaral ang mga anak na nasa elementary. Pero aniya, hindi siya maalam sa pagtuturo rito.</p><p>&quot;Di po kasi ako marunong mag-ano eh mag-online di ako marunong magchat-chat... &#x27;Di ako marunong [mag-module], &#x27;di ako marunong magbasa, &#x27;di ko po maintindihan din eh kasi grade 2 lang po ako [nagtapos],&quot; ani Santiago.</p><p>Susubukan ni Santiago na maipa-enroll pa ang mga anak per si Dela Cruz, pababalikin na lang sa eskuwela ang anak kapag kontrolado na ang pandemya.</p><div><strong>-- Ulat ni Ina Reformina, ABS-CBN News</strong></div>

<p>Hinikayat ng DepEd ang mga magulang na mag-late enrollment sa halip na pahintuin sa pag-aaral ang mga anak.</p>

Hinikayat ng DepEd ang mga magulang na mag-late enrollment sa halip na pahintuin sa pag-aaral ang mga anak.