Push Admin

Senior citizen patay nang magulungan ng truck sa Caloocan

Article (news)

ABS-CBN News

<div class="embed-wrap"><figure data-feedback="fb:likes,fb:comments"><img alt=" BCCMO Centre" src="https://sa.kapamilya.com/absnews/abscbnnews/media/2023/life/10/03/20231003-via-bccmo-centre.jpg"/><figcaption>Patay ang isang lolo matapos magulungan ng isang mixer truck sa Caloocan City, Oktubre 2, 2023. <em>BCCMO Centre</em></figcaption></figure></div><p>Patay ang isang lolo matapos magulungan ng mixer truck sa Caloocan City noong hapon ng Lunes.</p><p>Sa kuha ng CCTV, makikitang patawid na sana ang lolo sa Almar Zabarte Road alas-2:15 ng hapon.</p><p>Naglalakad siya sa pagitan ng isang jeep at mixer truck, at puno rin ang kalsada ng mga motorsiklong umaandar, base sa kuha.</p><p>Halos dikit ang lalaki sa tapat ng mixer truck bago siya tuluyang nabangga at nagulungan, na kaniyang ikinasawi.</p><p>Kinilala ang biktima bilang si Rodolfo Sta. Rita, 65 anyos at residente ng Caloocan.</p><p>Musikero ang biktima at tumutugtog sa ilang events sa kanilang lugar, ayon sa anak.</p><p>Umalis lang umano ng bahay si Sta. Rita para sana kausapin ang isang kaibigan para sa gig na kaniyang pupuntahan nang mangyari ang insidente.</p><p>&quot;May ka-deal po sana siya na tugtog... Hindi pa po siya pauwi, papunta pa lang po siya tapos nasagasaan na nga po,&quot; sabi ng anak na si Maricriss.</p><p>Naulila ni Sta. Rita ang 5 anak at 20 apo.</p><figure class="op-interactive"><iframe allow="autoplay; fullscreen" frameBorder="0" height="100%" id="ivsplayer01" scrolling="no" src="https://player.ivideosmart.com/ivsplayer/v4/dist/html/iframe-src.html?iframeid=ivsplayer01&amp;key=e8c22c015ca9eafa76f1e3edfa03c603&amp;spid=3001339&amp;vid=2828070" width="100%"></iframe></figure><div class="iwantbar">Watch more News on <a href="https://www.iwanttfc.com/#!/browse/Genres/News/tag_id_genres/id_news" target="_blank">iWantTFC</a></div><p>Ayon sa truck driver, pabalik na sana siya ng Pulilan, Bulacan matapos mag-deliver ng semento sa Barangay 175.</p><p>Iginiit niyang hindi niya sinasadya ang nangyari.</p><p>&quot;Naka-red light po kaya tumigil na ako, in-open ko po &#x27;yong kantong maraming tao, in-open ko po. Tapos noong nag-green [light] na po, umabante na ako tapos hindi ko namalayan natamaan ko na,&quot; anang driver.</p><p>Desidido ang pamilya Sta. Rita na kasuhan ang driver.</p><p>Nanawagan din sila ng tulong pinansiyal para sa pagpapalibing sa kanilang ama.</p><p>Ayon kasi kay Maricriss, hindi sapat ang unang alok na danyos ng employer ng truck driver.</p><p>Sa ngayon, wala pang opisyal na pahayag na inilalabas ang kompanya ng driver hinggil sa nangyari.</p><p>Nasa kustodiya naman ng Caloocan traffic unit ang driver ng truck, na mahaharap sa kasong reckless imprudence resulting in homicide.</p><div><strong>— Ulat ni Lyza Aquino, ABS-CBN News</strong></div>