Push Admin

Grupo ng taxi drivers, hindi ikinatuwa ang pagtaas ng kanilang pasahe

Article (news)

ABS-CBN News

<div class="embed-wrap"><figure data-feedback="fb:likes,fb:comments"><img src="https://sa.kapamilya.com/absnews/abscbnnews/media/2017/business/08/17/20170531-marikina-taxi-transport-1-jc.jpg"/></figure></div>Ilan sa mga taxi driver ang nangangambang magiging pabigat pa ang nakatakdang umento sa kanilang singil sa pasahe. Ang kanilang dahilan: baka mas piliin pa lalo ang mga kakumpitensiya nilang Transport Network Vehicle Services (TNVS) gaya ng Grab at Uber. Sa kasalukuyan, temporary ang flag down rate na P40 sa unang 500 metro, P3.50 naman ang singil sa susunod na 300 metro, at P3.50 kada dalawang minuto na paghihintay. Sa bagong sistemang inaprubahan ng Land Transportation Franchising and Regulatory Board, permanente na ang P40 flag down rate, P13.50 na ang patak ng metro kada isang kilometro, at P2 na kada minuto ng byahe mula pagsakay hanggang pagbaba ng pasahero. Kaya naman pangamba ni Bong Ferol, isang taxi driver, baka ito ay lalo pang maging pahirap. &quot;Hindi makakatulong. Pahirap pa lalo sa amin yan. Ngayon palang hirap na kami, lalo na pag pinatupad yan,&quot; ayon kay Ferol. Ito rin ang sentimyento ng maraming miyembro ng samahan ng taxi drivers at operators na Stop and Go Transport Coalition.&quot;Para sa mga driver, hindi advantage ang pagtaas ng fare, kasi pag inihabol nating ang prices ng Uber at Grab, ng TNVS, sino pa sasakay ngayon sa taxi?&quot; ani Jun Magno, presidente ng koalisyon. Ayon pa kay Magno, masyadong nasira ang reputasyon ng mga taxi sa social media.&quot;Hindi naman lahat ng taxi driver, nagkakamali o balasubas,&quot; paliwanag niya. Dapat din daw ay nakontrol na ang pagdami ng TNVS para di umano sila napag-iwanan.<div>--Ulat ni Miguel Dumaual, ABS-CBN News</div>

Ilan sa mga taxi driver ang nangangambang magiging pabigat pa ang nakatakdang umento sa kanilang singil sa pasahe.

Ilan sa mga taxi driver ang nangangambang magiging pabigat pa ang nakatakdang umento sa kanilang singil sa pasahe.