Watch more in iWantv or TFC.tv

MAYNILA (2ND UPDATE) - Nasunog ang power supply room ng LRT-2 Santolan Station nitong Huwebes ng umaga.

Ayon kay LRTA Spokesperson Atty. Hernando Cabrera, bandang 5:10 ng umaga nang masunog ang power supply room at kabilang sa nasunog ay ang uninterruptible power supply system (UPS), na nagsusuplay ng power sa emergency equipment kapag may power fluctuation o interruption sa istasyon.

Itinawag ang insidente bandang alas-5:45 ng umaga, ayon sa Pasig Central Fire Station at idineklara itong fire out bago mag-alas-6 ng umaga.

Sinuspinde ng LRT-2 ang operasyon mula Recto hanggang Cubao station bilang "precautionary" measure. Pero ngayong alas-2 ng hapon, binuksan na ang operasyon ng naturang railway.

LRT 2 UPDATE:

LRT2 resumed to its normal operations as of 2:21pm.

Keep safe everyone!!!!

— LRT2 (@OfficialLRTA) October 8, 2020

Humingi naman ng paumanhin at pang-unawa ang pamunuuan ng LRT2 lalo na sa mga naapektuhan sa Recto hanggang Cubao stations.

Walang pasahero sa istasyon dahil hindi pa ito nagbubukas simula noong Oktubre ng nakaraang taon. Isinara ito dahil sa nasunog na rectifier na nakaapekto sa 3 istasyon.

• Sunog sumiklab sa riles ng LRT-2; pagbabalik-operasyon di pa tiyak

Inaalam pa ng mga awtoridad ang sanhi ng insidente.