Class baron ng PMA cadet corps, nagbitiw sa puwesto | ABS-CBN

HEADLINES:
|

ADVERTISEMENT

HEADLINES:
|
dpo-dps-seal
Welcome, Kapamilya! We use cookies to improve your browsing experience. Continuing to use this site means you agree to our use of cookies. Tell me more!

Class baron ng PMA cadet corps, nagbitiw sa puwesto

Class baron ng PMA cadet corps, nagbitiw sa puwesto

Maira Wallis,

ABS-CBN News

Clipboard

BAGUIO CITY - Nagbitiw sa puwesto ang brigade commander ng cadet corps o class baron ng Philippine Military Academy Masidlawin Class of 2020.

Kinumpirma ng bagong Commandant of Cadets na si Brigadier General Romeo Brawner na nagbitiw na nitong Miyerkoles si Cadet 1st Class Ram Michael Navarro bilang class baron.

Aniya, command responsibility ang dahilan ni Navarro sa pagbibitiw sa puwesto.

Ito rin ang naging dahilan nina Lieutenant General Ronnie Evangelista at Commandant of Cadets Brigadier General Bartolome Bacarro sa kanilang pagbibitiw sa puwesto matapos ang insidente ng diumano'y hazing na ikinamatay ng isang kadete.

ADVERTISEMENT

Paliwanag ni Brawner, ang pagbibitiw ni Navarro ay patunay na seryoso maging ang mga kadete laban sa hazing.

Noong unang humarap sa media ang mga opisyal ng PMA, ipinahayag ni Navarro ang kaniyang pagkondena sa maltreatment at pananakit sa mga kapwa kadete.

"It is disheartening that we lost one of our comrade.. the corps has decided to put an end to malpractices emanating from ignorance and negligence," sinabi ni Navarro sa isang press conference noong Setyembre 20.

Martes nang pormal na sinampahan ng kasong paglabag sa Anti-Hazing Law, murder at torture ng pamilya ni Darwin Dormitorio ang pitong kadeteng sangkot umano sa pagkamatay nito.

Nasa kustodya pa rin ng PMA ang mga nasabing kadete. Patuloy rin ang masusing imbestigasyon sa iba pang kadeteng nakitaan ng sugat sa kanilang mga katawan.

ADVERTISEMENT

ADVERTISEMENT

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.