Push Admin

Mga ospital sa Oriental Mindoro punuan, kapos sa oxygen supply

Article (news)

ABS-CBN News

<div class="embed-wrap"><figure data-feedback="fb:likes,fb:comments"><img alt="Isa ang MMG Hospital sa Calapan City, Oriental Mindoro sa mga ospital sa probinsiya na nagdeklara ng full capacity. Dennis Datu, ABS-CBN News" src="http://sa.kapamilya.com/absnews/abscbnnews/media/2021/news/10/11/20211011-mindoro-full-capacity.jpg?ext=.jpg"/><figcaption>Isa ang MMG Hospital sa Calapan City, Oriental Mindoro sa mga ospital sa probinsiya na nagdeklara ng full capacity. <em>Dennis Datu, ABS-CBN News</em></figcaption></figure></div><p>Apat na araw nang nasa tent sa labas ng Oriental Mindoro Provincial Hospital si Elmer Gado, na may sakit sa puso, kasama ang kaniyang asawa.</p><p>Hindi kasi sila maipasok sa loob ng ospital dahil wala pa ring resulta ang kanilang RT-PCR test. Natatagalang lumabas ang resulta dahil suspendido pa rin ang operasyon ng COVID-19 testing laboratory.</p><ul class="op-related-articles">	<li><a href="https://news.abs-cbn.com/news/09/27/21/covid-19-lab-sa-oriental-mindoro-ipinakiusap-mabuksan-uli">Ospital sa Oriental Mindoro nanawagang payagang mag-operate muli ang COVID-19 lab</a></li></ul><p>Wala pa ring bakanteng mga kuwarto sa Oriental Mindoro Provincial Hospital dahil full capacity na. Dahil dito, magkasamang sa tent ang mga naghihintay ng RT-PCR test result at mga pasyenteng positibo sa virus.</p><p>&quot;Uuwi na lang kami. Sa amin na lang kami maggagamutan doon,&quot; sabi ni Gado.</p><p>Umaabot sa 80 ang COVID-19 patients sa Oriental Mindoro Provincial Hospital kaya kapos ang mga medical staff dahil marami ang nahawa na rin.  </p><figure class="op-interactive"><iframe allow="autoplay; fullscreen" frameBorder="0" height="100%" id="ivsplayer01" scrolling="no" src="https://player.ivideosmart.com/ivsplayer/v4/dist/html/iframe-src.html?iframeid=ivsplayer01&amp;key=e8c22c015ca9eafa76f1e3edfa03c603&amp;spid=3001339&amp;vid=1796984" width="100%"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Full capacity na rin ang MMG Hospital sa Calapan City kaya hindi na kakayaning tumanggap ng mga COVID-19 patients.</p><p>Kalagitnaan ng Setyembre nang magsimula umanong tumaas ang mga kaso ng COVID-19. </p><p>&quot;Lampas-lampas na &#x27;yong capacity namin plus mayroon kami 34 na mga COVID-positive patients na naghihintay sa mga bahay na ma-admit. Ganoon kahaba ang pila,&quot; sabi ni Dr. Jose Apollo Arago, tagapagsalita ng MMG Hospital.</p><p>Malaking problema rin ng mga ospital ang kakapusan ng mga oxygen tank, gaya sa Oriental Mindoro Provincial Hospital na 25 tanks ang dumating gayong 75 hanggang 100 ang nakokonsumo kada araw.</p><p>Hirap din umano ang mga supplier dahil pumipila rin sila sa pagpapa-refill ng mga tangke sa Metro Manila at Batangas.</p><p>Ito rin ang problema ng MMG Hospital, na umapela sa national government na tumulong sa pagpapadala ng maraming oxygen sa probinisya.</p><p>Umaabot sa 875 ang active COVID-19 cases sa Oriental Mindoro.</p><p>Nagpatawag na ng pulong sa Martes si Governor Bonz Dolor sa mga ospital, Department of Health at Oriental Mindoro Medical Society para pag-usapan ang mga hakbang laban sa tumataas na kaso ng COVID-19.</p><div><strong>— Ulat ni Dennis Datu, ABS-CBN News</strong></div>

Punuan pa rin ang mga ospital sa Oriental Mindoro, na nakakaranas din ng kakulangan sa supply ng mga oxygen tank.