Push Admin

Pamilya ng Pilipinong namatay sa Israel, humihiling ng tulong para maiuwi ang labi nito

Article (news)

ABS-CBN News

<div class="embed-wrap"><figure data-feedback="fb:likes,fb:comments"><img alt="Nakatayo ang isang pulis sa lugar kung saan nawasak ang isang gusali sa Israel sa pag-atake ng Hamas nitong Okt. 8, 2023. Abir Sultan, EPA-EFE/File" src="https://sa.kapamilya.com/absnews/abscbnnews/media/2023/tvpatrol/10/09/tel-aviv,-israel.jpg"/><figcaption>Nakatayo ang isang pulis sa lugar kung saan nawasak ang isang gusali sa Israel sa pag-atake ng Hamas nitong Okt. 8, 2023. Abir Sultan, EPA-EFE/File</figcaption></figure></div>Humihiling ng tulong ang pamilya ng Pilipinong namatay sa giyera sa Israel para agad maiuwi ang labi nito sa Pilipinas.Ilang araw nang balot ng pangamba ang mag-asawang Nick at Lilina Castelvi sa lungsod ng San Fernando, Pampanga, mula nang mabalitaan ang pag-atake ng Palestinian group na Hamas sa Israel.Caregiver doon ang anak nilang si Paul Vincent, ikatlo sa 4 na magkakapatid. Siya ang itinuturing na bread winner ng pamilya. Bago mag-Israel, 10 taon siyang nagtrabaho sa Saudi Arabia.&quot;Siya lang talaga ang bumubuhay sa amin pati sa mga kapatid niya, mga pamangkin niya, at kung mabibigyan lang siya ng pagkakataon ang talagang hangad niya ay magakaroon kami ng buhay na magandang-maganda kaya siya lumayo sa amin,&quot; sabi ni Nick Castelvi, ama ni Paul Vincent.Sa 5 taong pagtatrabaho ni Paul Vincent sa Israel, 5 taon na rin siyang hindi nakauwi ng bansa.Ngayong Disyembre niya sana balak sorpresahin ang mga magulang sa pag-uwi sa Pilipinas. Kasama rin niya sana sa pag-uwi ang asawang 8 buwang buntis sa kanilang unang anak.<ul class="op-related-articles">	<li><a href="https://news.abs-cbn.com/video/news/10/12/23/ph-embassy-confirms-death-of-2-filipinos-in-israel-hamas-war">PH Embassy confirms death of 2 Filipinos in Israel-Hamas war</a></li></ul>Pero ang hindi inaasahan, isa si Paul Vincent sa mga nadamay sa pag-atake ng militanteng Hamas sa Israel.&quot;&#x27;Yung huli nilang pag-uusap, &#x27;yung pong sinabi niya nandoon na po sila sa &#x27;bomb...shield&#x27; nandun na po sila, tapos daw po may kumakatok doon po sa bomb shield na &#x27;yun,&quot; ayon kay Lilina Castelvi, ina ni Paul Vincent.&quot;Ang hindi lang po namin alam kung binuksan niya &#x27;yun or what, &#x27;yun lang po ang sinabi niya sa asawa niya 9:30 po ng umaga, &#x27;yun po ang huling-huli nilang pag-uusap.&quot;<ul class="op-related-articles">	<li><a href="https://news.abs-cbn.com/spotlight/10/11/23/what-we-know-about-israels-war-with-hamas">What we know about Israel&#x27;s war with Hamas</a></li>	<li><a href="https://news.abs-cbn.com/overseas/10/11/23/israel-pounds-gaza-targets-as-pm-condemns-hamas-savagery">Israel pounds Gaza targets as PM condemns Hamas &#x27;savagery&#x27;</a></li></ul>Hanggang nitong Martes ng gabi, nangyari na ang kinatatakutang balita.&quot;Yun nga po kagabi lang, fingerprint lang po niya &#x27;yung na ano nila, na siya na po talaga &#x27;yun kaya ko tinawagan &#x27;yung manugang ko. Sabi niya... [may] tumawag sa kanya, &#x27;Ito ba &#x27;yung mister mo?&#x27; Tumango po siya, pero hindi pa rin po siya makapaniwala, ayaw pa po niyang maniwala na siya na po &#x27;yun kasi fingerprint lang, baka po nagkamali ganyan,&quot; sabi ni Lilina.&quot;Kaya sabi niya hangga&#x27;t hindi niya nakikita &#x27;yung bangkay ng mahal niya, hindi po siya maniniwala na wala na po siya, hindi ko po matatanggap na mawawala po &#x27;yung anak ko, napakasakit po sa akin na mawala po &#x27;yung anak ko, napakasakit po sa amin.&quot;Nitong Miyerkoles kinumpirma na rin ng kanilang manugang na bangkay nga ng anak nila ang nakita.&quot;Patawarin po ako ng Diyos, sabi ko, &#x27;Bakit ganoon, bakit Mo siya kinuha sa akin?&#x27; Pero sabi ko wala akong karapatan na sisihin ko Siya. Siguro po talagang nakatakda na yung araw na ganyan sa kanya. Sana po kung sino man yung may gawa sa anak ko na yun, nawa po, higit pa sa nakamtan ng anak ko yung ginawa niya, magagawa po sana sa kanya, patawarin po ako ng Diyos,&quot; sabi ni Lilina.Ikinalungkot din ng kapitbahay nilang si Evelyn Roque ang nangyari kay Paul Vincent.&quot;Siyempre nabigla, halos kami dito nag-react lahat kasi sobrang bait, tsaka, maaalalahanin sa magulang niya. Sana mahinto na [ang digmaan], eh papano maraming napeperwisyong kababayan natin,&quot; ani Roque.Apela ng pamilya, matulungan sila ng gobyerno para mabilis na maiuwi sa Pilipinas ang labi ni Paul Vincent.&quot;Panawagan ko po sa mga ahensya ng gobyerno sa mga iba&#x27;t ibang organisasyon na may magagawa, pinapakiusap ko po sa inyo, na kung pwede sa lalong madaling panahon, maiuwi ang bangkay ng anak namin, para makasama namin kahit ilang araw lang at saka kasama na po yung asawa niya,&quot; sabi ni Nick.&quot;Para po kahit huling sandali po makasama namin siya tsaka po sana kung pwede, umuwi din yung asawa niya, magkasabay pong uuwi para po magkasama sila, yun lang po,&quot; sabi ni Lilina.Bukod kay Paul Vincent, isang pang 33 taong gulang na babaeng Pilipino mula sa Pangasinan ang kumpirmadong nasawi sa pag-atake ng Hamas sa Israel.<ul class="op-related-articles">	<li><a href="https://news.abs-cbn.com/news/10/11/23/pinoy-taken-away-then-killed-by-hamas-militants-officials">Pinoy &#x27;taken away&#x27; then killed by Hamas militants: officials</a></li>	<li><a href="https://news.abs-cbn.com/video/overseas/10/10/23/drone-footage-whats-left-of-gaza-after-israeli-airstrikes">Drone footage: What&#x27;s left of Gaza after Israeli airstrikes</a></li></ul><div>— Ulat ni Gracie Rutao</div>

Humihiling ng tulong ang pamilya ng Pilipinong namatay sa giyera sa Israel para agad maiuwi ang labi nito sa Pilipinas.