Push Admin

19 estudyante, 4 guro nagka-COVID sa Mati City mula noong school opening: LGU

Article (news)

ABS-CBN News

<p>Aabot sa 19 estudyante at 4 na guro ang tinamaan ng COVID-19 sa Mati City, Davao Oriental mula nang mag-umpisa ang pasukan noong Agosto 22, sabi noong Sabado ng lokal na pamahalaan.</p><p>Sa 8 paaralan sa mga barangay ng Badas, Sainz, Matiao, Central, Lawigan, Dahican, Don Enrique Lopez at Don Salvador Lopez naitala ang mga kaso, ayon sa Mati Incident Management Team (IMT).</p><p>Noong Agosto 30 naitala ang kauna-unahang kaso ng COVID-19 sa isang paaralan pero naituring din itong &quot;recovered&quot; o gumaling sa sakit noong Setyembre 6.</p><p>Hanggang noong Sabado, 6 lang ang active COVID-19 cases sa mga paaralan sa Mati. Sa kabuuan, may 30 active cases sa lungsod.</p><p>Ayon kay IMT Commander Der. Ben Hur Catbagan Jr., karamihan sa mga pasyente ay asymptomatic o walang sintomas at nagho-home quarantine.</p><p>Naiwasan umano ang matinding pagkalat ng virus dahil sa mabilis na ugnayan ng local government sa mga paaralan at komunidad.</p><p>Base sa panuntunan sa lungsod, kailangan isara nang 4 hanggang 5 araw para sa disinfection ang mga classroom kung saan nagkaroon ng positibong kaso ng COVID-19.</p><p>Ipinag-utos ng Department of Education (DepEd) ang full face-to-face classes sa lahat ng paaralan simula Nobyembre 2 pero noong pagbubukas pa lang ng School Year 2022-2023 ay marami nang paaralan ang nagpatupad nito.</p><p>Nauna na ring sinabi ng DepEd na binabantayan nito ang ulat ng mga hawahan ng COVID-19 sa mga paaralan. Ipinauubaya na rin ng ahensiya sa mga lokal na pamahalaan ang paglalabas ng datos ng mga kaso ng COVID-19 sa mga paaralan.</p><ul class="op-related-articles">	<li><a href="https://news.abs-cbn.com/news/09/24/22/expected-deped-monitoring-covid-infections-in-schools">&#x27;Expected&#x27;: DepEd monitoring COVID infections in schools</a></li>	<li><a href="https://news.abs-cbn.com/news/10/11/22/no-covid-uptick-among-kids-since-school-opening-doh">No COVID uptick in pediatric population since school opening: DOH</a></li></ul><div><strong>— Ulat ni Hernel Tocmo</strong></div><div><strong>RELATED VIDEO</strong></div><figure class="op-interactive"><iframe allow="autoplay; fullscreen" frameBorder="0" height="100%" id="ivsplayer01" scrolling="no" src="https://player.ivideosmart.com/ivsplayer/v4/dist/html/iframe-src.html?iframeid=ivsplayer01&amp;key=e8c22c015ca9eafa76f1e3edfa03c603&amp;spid=3001339&amp;vid=2184631" width="100%"></iframe></figure><div class="iwantbar">Watch more News on <a href="https://www.iwanttfc.com/#!/browse/Genres/News/tag_id_genres/id_news" target="_blank">iWantTFC</a></div>

Aabot sa 19 estudyante at 4 na guro ang tinamaan ng COVID-19 sa Mati City mula nang mag-umpisa ang pasukan noong Agosto 22, sabi ng lokal na pamahalaan.