Push Admin

30-percent capacity sa mga misa pinayagan sa Maynila

Article (news)

ABS-CBN News

<div class="embed-wrap"><figure data-feedback="fb:likes,fb:comments"><img src="http://sa.kapamilya.com/absnews/abscbnnews/media/2020/news/10/19/20200916-covid19-gcq-manila-cathedral-reopens-gc-4209.jpg?ext=.jpg"/><figcaption>Papasok ng Manila Cathedral ang ilang churchgoer para dumalo ng misa noong Setyembre 16, 2020. <em>George Calvelo, ABS-CBN News</em></figcaption></figure></div><p>Sa radyo na lang nakakapakinig ng misa si Dalisay Gudoy, 75, mula nang magkaroon ng pandemya.</p><p>Dahil sa kaniyang edad, hindi rin siya makakasama sa mga anak sa maagang pagbisita sa mga mahal na yumao sa sementeryo.</p><p>Hiling ni Gudoy na payagan siyang makalabas para makapag-Simbang Gabi ngayong magpa-Pasko.</p><p>&quot;Gusto ko sa simbahan... minsan lang naman sa isang taon eh, sana payagan kami,&quot; ani Gudoy sa panayam ng ABS-CBN News.</p><p>Sa Maynila, pinayagan na ang 30 porsiyentong capacity sa mga simbahan, mosque at chapel matapos pirmahan ni Mayor Isko Moreno ang Executive Order No. 41.</p><p>Pero sa ilalim ng kautusan, bawal pa rin sa religious gatherings ang mga mas bata sa 18 at mas matanda sa 65, gaya ni Gudoy.</p><p>May solusyon naman ito, ayon kay Archdiocese of Manila Apostolic Administrator Bishop Broderick Pabillo.</p><p>&quot;Tingnan nila &#x27;yong kanilang health situation... &#x27;yong sa mga talagang 75, 80 years old, puwede sila humingi ng communion, puwede magsimba online, tapos may mga lay ministers na pumupunta sa lugar para magbigay ng communion,&quot; ani Pabillo.</p><p>&quot;Ang iba nagkakaroon misa sa gym sa school. Sa ganyan paraan ma-scatter ang presensiya ng mga tao,&quot; dagdag niya.</p><figure class="op-interactive"><iframe height="315" src="https://www.youtube.com/embed/QUxPg5nK1So?enablejsapi=1" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Sa Diocese of Kalookan, nanawagan si Bishop Ambo David na huwag tuluyang pagbawalan ang senior citizens sa pagsisimba, lalo&#x27;t kung wala naman silang sakit o health condition.</p><p>Maaari namang mag-ingat at sumunod sa health protocols ang mga matatanda, ani David.</p><p>Maging ang Catholic Bishops&#x27; Conference of the Philippines ay umaasang luwagan ang restriction sa mga gustong dumalo sa misa, lalo na iyong mga senior citizen.</p><p>&quot;Kami ay nagre-request na payagan but at the end of the day it&#x27;s going to be the [Inter-Agency Task Force] to decide,&quot; ani Fr. Jerome Secillano, executive secretary ng CBCP Committee on Public Affairs.</p><p>Dahil sarado naman ang mga sementeryo sa Metro Manila ngayong Undas, hinikayat ni Bishop Pabillo na magsimba ang lahat at ipagdasal ang mga minamahal na yumao.</p><p>Ipinag-utos ng gobyerno na isara ang mga sementeryo mula Oktubre 29 hanggang Nobyembre 4 para maiwasan ang dagsa ng mga tao bilang pag-iingat laban sa COVID-19.</p><ul class="op-related-articles">	<li><a href="https://news.abs-cbn.com/news/09/18/20/philippines-closes-cemeteries-from-oct-29-nov-4">Philippines closes cemeteries from Oct. 29- Nov. 4</a></li></ul><div><strong>-- Ulat ni Angel Movido, ABS-CBN News</strong></div>

<p>Maaari nang makapagsimba ang mas maraming Katoliko at iba pang relihiyon sa lungsod ng Maynila.</p>

Maaari nang makapagsimba ang mas maraming Katoliko at iba pang relihiyon sa lungsod ng Maynila.