Push Admin

Ilang sementeryo sa Maynila binibisita na 2 linggo bago ang Undas

Article (news)

ABS-CBN News

MAYNILA (UPDATE) — Ngayon lang pumunta sa sementeryo si Josito Casas simula nang magka-COVID-19 pandemic. Inagahan niya ang dalaw sa Manila South Cemetery upang kaunti pa lang ang abutang bisita at naglilinis, nasa 2 linggo bago ang Undas. &quot;Sa Marikina pa kami nanggaling eh matraffic. Sa totoo lang ngayon lang kami nakalabas mula ng magkaroon ng COVID. Iwas talaga kami sa tao,&quot; ani Basas. Hindi na sila babalik pa sa Undas para makaiwas sa siksikan. Si Daniel Lopez naman, tiningnan na rin kung nalinis na ang puntod ng kaanak. Nagsimula na ring maglinis ang ibang may inaalagaang puntod. Inaabangan naman ng mga nagtitinda ng bulaklak at kandila gaya ni Jean Maranan ang mga maagang bisita. Aniya, hanggang Oktubre 28 na lang sila papayagang makapagtinda sa loob ng sementeryo. Ayon sa mga nagtitinda, nagsimula nang gumanda ang kanilang kita kahit may bahagyang pagtaas sa presyo ng kandila at bulaklak. Nasa P5 ang pagtaas sa presyo ng kandila depende sa sukat, habang inaasahang magdodoble ang presyo ng bulaklak sa Undas.Una nang nabanggit ng pamunuan ng sementeryo na inaasahang aabot sa 2 milyon ang bibisita sa Undas. Maaari na ring makadalaw ang edad 12 anyos pababa basta fully-vaccinated, maging ang walang bakunang senior citizen. <ul class="op-related-articles">	<li><a href="https://news.abs-cbn.com/news/10/15/22/major-cemeteries-in-ncr-begin-preps-for-undas-2022">Major cemeteries in Metro Manila start preparing for Undas</a></li></ul>Samantala, puspusan na rin ang paghahanda sa Manila North Cemetery. Nakapaskil sa mga gate ang mga paalala na paiiralin ng naturang sementeryo sa Undas. Tuloy-tuloy ang paglilinis at pagpipintura ng mga kaanak at mga caretaker sa mga puntod. Panay rin ang paghahakot ng mga basura.Kasama ang mag-asawang sina Carlos at Sheryll Vitug sa mga maagang dumalaw sa sementeryo at nagtirik ng kandila para sa mga kaanak nilang yumao.Nagdodoble ingat anila sila lalo na&#x27;t nagka-COVID ang ilang miyembro ng kanilang pamilya.&quot;Iniiwasan namin yung dami ng tao lalo na ngayon pandemic pa rin,&quot; ani Sheryll. &quot;Kahit sabihin mong fully vaccinated ka na tsaka may booster ka pa nagkaka-COVID ka pa rin di ba, kaya hangga&#x27;t makakaiwas, iwas pa rin tayo kasi hindi naman totally nawala yung COVID. Nandyan pa rin at hindi natin alam kung nasaan s&#x27;ya.&quot;Hindi pa man panahon ng Undas, inilipat na ang lahat ng mga nagtitinda ng bulaklak sa labas ng sementeryo.&quot;Medyo okay naman pero matumal pa rin kasi hindi naman katulad ng dati yung mga dalaw. Umaasa kami makakabenta kami para kung makakabenta kami parang pamasko na po sa &#x27;min yun, pang-ano na po sa &#x27;min sa mga gastusin sa araw-araw,&quot; ani Aiko Mondragon, isa sa mga nagbebenta. Tumaas naman ang presyo ng mga bulaklak at kandila sa mga tindahan sa labas ng Manila North Cemetery.Ang 3 maliliit na kandila na dating P20 lang, ngayon P30 na. Ang malalaking kandila na dating nagsisimula lang sa P80, umakyat na sa P150 hanggang P200 kada piraso.Nagsisimula naman sa P200 hanggang P300 ang presyo ng maliliit na flower arrangement na dating nasa P100 hanggang P200. Sa ngayon pinapayagan pang makapasok ang mga sasakyan sa entrance gate ang pamunuan ng sementeryo. Pero simula ng Oct. 29 hanggang Nov. 2, maghihigpit na sila at hindi na papayagang makapasok ang ano mang uri ng sasakyan.<div>— Ulat nina Jose Carretero at Raya Capulong, ABS-CBN News</div>

Mayroon nang ilang maagang bisita ang Manila South Cemetery nasa 2 linggo bago ang Undas. 