Push Admin

Matapos ang 6 buwan: Boracay muling binuksan sa mga turista; gobyerno may paalala

Article (news)

ABS-CBN News

<div class="embed-wrap"><figure data-feedback="fb:likes,fb:comments"><img src="http://sa.kapamilya.com/absnews/abscbnnews/media/2018/news/10/26/20181026-thumb-bora.jpg?ext=.jpg"/><figcaption>Dumating sa Cagban port ang isang pangkat ng mga turista para sa muling pagbubukas ng Boracay matapos ang anim na buwang pagsasara para sa rehabilitasyon.<em> Fernando G. Sepe Jr., ABS-CBN News</em></figcaption></figure></div><p>(UPDATED) Matapos ang anim na buwang pagsasara para sa rehabilitasyon, muling binuksan sa mga turista ngayong Biyernes ang isla ng Boracay, na ngayon ay nasasaklaw ng mas mahigpit na mga patakaran.</p><p>Ilan sa mga bagong panuntunan ang paglimita sa bilang ng mga turista at negosyong nag-o-operate. Ipinagbawal din sa beach ang pag-party, pag-inom ng alak, pagdaraos ng bonfire, pagbebenta ng mga pasalubong, at pagtayo ng mga kastilyong buhangin.</p><p>Nasa 170 hotel, 43 restoran, at higit 90 iba pang mga negosyo lang ang pinahintulutang mag-operate sa muling pagbubukas ng Boracay dahil sila pa lang ang mga nakasunod sa mga environmental policy ng gobyerno, sabi ni Environment Secretary Roy Cimatu. </p><ul class="op-related-articles">	<li><a href="https://news.abs-cbn.com/news/10/25/18/only-170-hotels-43-restaurants-ok-to-operate-on-boracay-reopening">Only 170 hotels, 43 restaurants OK to operate on Boracay reopening: DENR</a></li></ul><p>Pinaigting na rin ang pagpapatupad ng 30-meter buffer zone o iyong pagbawal ng pagtayo ng ano mang istruktura 30 metro mula sa dagat.</p><p>Isinara noong Abril ang Boracay matapos ipag-utos ni Pangulong Rodrigo Duterte, na tinawag ang isla na &quot;cesspool&quot; o imbakan ng dumi dahil sa problema nito sa polusyon.</p><figure class="op-interactive"><div id="IVS_ABS_Body_Video_1_Container"> <ivs-player id="IVS_ABS_Body_Video_1" data-ivs-spid="3001339" data-ivs-key="e8c22c015ca9eafa76f1e3edfa03c603" data-ivs-vid="1420580" data-ivs-floating="1"></ivs-player> <script src="https://player.ivideosmart.com/ivsplayer/v4/dist/js/iframe-parent.js"></script> <script src="https://player.ivideosmart.com/ivsplayer/v4/dist/js/loader.js"></script> </div></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Nagmistulang red carpet ang mga red floater na nilakaran ng mga turistang dumating ngayong Biyernes sa isla, na sinalubong din ng mga kandidata ng Miss Earth 2018 pageant.</p><p>Umabot sa 2,901 ang bilang ng mga turistang dumating sa Boracay sa araw ng muling pagbubukas, ayon sa tala ng Cagban port noong alas-5 ng hapon.</p><p>Isa sa mga turistang bumisita si Marilyn Sonob, na nanibago umano nang madatnang wala nang mga makukulay na bangka at sunbathing station sa beach — mga eksenang nakita niya sa kaniyang pagbisita sa Boracay noong nakaraang taon.</p><p>&quot;Nakakapanibago talaga kasi walang naglalako, tahimik, ang konti ng tao, hindi ganito dati. Ang ganda,&quot; sabi ni Sonob, na bumibisita sa bansa mula sa Amerika.</p><div class="embed-wrap"><figure data-feedback="fb:likes,fb:comments"><img src="http://sa.kapamilya.com/absnews/abscbnnews/media/2018/news/10/26/20181026-beach.jpg?ext=.jpg"/><figcaption>Ilang volunteer mula sa mainland Aklan ang nagpupulot ng basura habang nasa White Beach kasabay ng muling pagbubukas ng Boracay.<em> Fernando G. Sepe Jr., ABS-CBN News</em></figcaption></figure></div><figure class="op-interactive"><div id="IVS_ABS_Body_Video_2_Container"> <ivs-player id="IVS_ABS_Body_Video_2" data-ivs-spid="3001339" data-ivs-key="e8c22c015ca9eafa76f1e3edfa03c603" data-ivs-vid="1420585" data-ivs-floating="1"></ivs-player> <script src="https://player.ivideosmart.com/ivsplayer/v4/dist/js/iframe-parent.js"></script> <script src="https://player.ivideosmart.com/ivsplayer/v4/dist/js/loader.js"></script> </div></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><div><strong>MGA KALSADA, INAAYOS PA</strong></div><p>Sa kabila ng muling pagbubukas, hindi pa lubusang natatapos ang rehabilitasyon dahil may ilang kalsada pa sa isla ang binabakbak at inaayos.</p><p>Ilang tricycle driver ang dumaing sa pagsikip ng daloy ng trapiko bunsod ng patuloy na pagsasaayos.</p><p>Ayon kay Public Works Secretary Mark Villar, matatapos gawin ang mga kalsada mula Cagban Port hanggang Station 2 sa Disyembre.</p><p>Maaari naman daw abutin ng ilang taon bago makumpleto ang pagsasaayos ng buong 20 kilometrong circumferential road ng isla.</p><p>Kumpiyansa naman si Cimatu na hindi madidismaya ang mga turista sa Boracay kahit na ginagawa pa ang ilang kalsada.<br/> </p><div class="embed-wrap"><figure data-feedback="fb:likes,fb:comments"><img src="http://sa.kapamilya.com/absnews/abscbnnews/media/2018/news/10/26/20181026-mural.jpg?ext=.jpg"/><figcaption>Isang &quot;mural&quot; ang inilantad sa publiko kasabay ng pormal na pagbubukas ng Boracay. <em>Fernando G. Sepe Jr., ABS-CBN News</em></figcaption></figure></div><div> <strong>ISANG BUWANG PAGSARA SA BORACAY KADA TAON, IMINUNGKAHI</strong></div><p>Isinapubliko rin ang dambuhalang marker ng Boracay na babati sa mga bisita pagdating nila sa isla.</p><p>Nagsilbing panauhin sa programa ang mga miyembro ng gabinete na nagpatupad sa pagsasara ng isla gaya nina Cimatu at Tourism Secretary Bernadette Romulo-Puyat.</p><p>Ayon kay Cimatu, dapat dalawa sa bawat 10 empleyado o trabahor na kukuhanin ng mga negosyante ay taga-Boracay.</p><p>Ayon naman kay Romulo-Puyat, pinag-aaral nila ngayon ang panukala na ipasara ang Boracay ng isang buwan kada taon para bigyan ng pagkakataon ang isla na &quot;makahinga.&quot;</p><p>Nagpaalala rin si Romulo-Puyat sa mga turista na maging responsable para mapanatili ang kalinisan ng isla.</p><p>&quot;Please be responsible tourists. We&#x27;ve cleaned up Boracay. There&#x27;s no more trash. It&#x27;s beautiful [Pakiusap namin ay maging responsable kayong mga turista. Nilinis na namin ang Boracay. Wala nang basura. Maganda na siya],&quot; sabi ni Romulo-Puyat.</p><ul class="op-related-articles">	<li><a href="https://news.abs-cbn.com/business/10/26/18/be-responsible-tourists-dot-chief-says-as-boracay-reopens">&#x27;Be responsible tourists,&#x27; DOT chief says as Boracay reopens</a></li></ul><p>&quot;Let&#x27;s set an example to the whole world that we can keep Boracay clean [Magsilbi tayong halimbawa sa buong mundo na kaya nating panatilihing malinis ang Boracay],&quot; dagdag ng kalihim.</p><p>Inihahanda na rin ang isang executive order para matiyak na walang casino ang magbubukas sa isla at walang bagong hotel ang itatayo, sabi ni Puyat.</p><p>Ayon naman kay Philippine Chamber of Commerce and Industry president Elena Brugger, isang hakbang patungo sa &quot;sustainable tourism,&quot; o iyong turismong may positibong epekto sa kapaligiran at ekonomiya ng isang lugar, ang pagpapaayos sa Boracay.</p><p>&quot;We are hopeful and positive that this rehabilitation will push forward toward sustainable tourism in the country,&quot; ani Brugger.</p><p>&quot;It’s a progress moving towards the goal of having good or better Boracay,&quot; dagdag niya.</p><div><strong>--Ulat nina Jeff Canoy at Katrina Domingo, ABS-CBN News</strong></div>

<p>Matapos ang anim na buwang pagsasara para sa rehabilitasyon, muling binuksan sa mga turista ngayong Biyernes ang isla ng Boracay, na ngayon ay nasasaklaw ng mas mahigpit na mga patakaran.</p>

Matapos ang anim na buwang pagsasara para sa rehabilitasyon, muling binuksan sa mga turista ngayong Biyernes ang isla ng Boracay, na ngayon ay nasasaklaw ng mas mahigpit na mga patakaran.