Push Admin

Mga ospital sa Cavite bumubuti na ang kalagayan matapos bumaba ang COVID cases

Article (news)

ABS-CBN News

<div class="embed-wrap"><figure data-feedback="fb:likes,fb:comments"><img alt="Pagamutan ng Dasmarinas. ABS-CBN News/File" src="https://sa.kapamilya.com/absnews/abscbnnews/media/2021/news/09/01/pagamutan-dasmarinas.jpg"/><figcaption><em>Pagamutan ng Dasmarinas. ABS-CBN News/File</em></figcaption></figure></div><p>CAVITE — Kasabay ng pagbaba ng mga naitatalang bagong kaso ng COVID-19, gumaganda na rin ang sitwasyon sa mga ospital sa lalawigang ito.</p><p>Sa Pagamutan ng Dasmariñas, nagkakaroon na ng espasyo sa emergency room para sa infectious diseases.</p><ul class="op-related-articles">	<li><a href="https://news.abs-cbn.com/video/news/09/01/21/er-covid-19-ward-ng-pagamutan-ng-dasmarias-puno-na">ER, COVID-19 ward ng Pagamutan ng Dasmariñas puno na</a></li></ul><p>Kung noong Hulyo hanggang Setyembre ay umaapaw ang mga pasyente sa nasabing pagamutan, ngayon ay wala ng mga pasyente na naghihintay ma-admit sa parking lot.</p><figure class="op-interactive"><iframe allow="autoplay; fullscreen" frameBorder="0" height="100%" id="ivsplayer01" scrolling="no" src="https://player.ivideosmart.com/ivsplayer/v4/dist/html/iframe-src.html?iframeid=ivsplayer01&amp;key=e8c22c015ca9eafa76f1e3edfa03c603&amp;spid=3001339&amp;vid=1812091" width="100%"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>“There’s a (significant) improvement,” ani Dr. Ma. Luisa Campos-Cagingin, ang chief of hospital ng Pagamutan ng Dasmariñas.</p><ul class="op-related-articles">	<li><a href="https://news.abs-cbn.com/news/09/14/21/pagamutan-ng-dasmarias-short-staffed-full-official">Pagamutan ng Dasmariñas short-staffed and at capacity, says hospital official</a></li>	<li><a href="https://news.abs-cbn.com/news/10/28/21/ph-covid-19-deaths-down-to-about-68-a-day-doh">Average COVID-19 deaths in PH drop to less than half of September figures: DOH</a></li></ul><p>Nakatayo pa rin sa labas ng ospital ang extension tent ng emergency room, pero para na lang sa mga pasyenteng naghihintay ng resulta ng COVID-19 test bago ma-admit sa ospital.</p><p>Sa huling monitoring ni Campos-Cagingin, nasa 16 ang naka-admit sa COVID ER na may 20 kama, habang umaabot naman sa 7 at minsan ay napupuno pa rin ang sampung kama sa COVID ward.</p><p>“It’s not na matatawag na maluwag kasi there are times na napupuno pa rin siya. Sakto lang. Kumbaga, wala ng spillover,” ani Campos-Cagingin.</p><p>Binigyang diin ni Campos-Cagingin na karamihan sa mga naka-admit ay hindi bakunado, habang wala namang naitalang namatay sa mga pasyenteng bakunado.</p><ul class="op-related-articles">	<li><a href="https://news.abs-cbn.com/news/10/24/21/philippines-decline-in-daily-covid-cases-due-to-wide-vaccination-octa">Philippines&#x27; decline in daily COVID cases due to wide vaccine coverage: OCTA</a></li></ul><p>“Pati mga healthcare workers, ‘di ba the last time you interviewed me, I said we had 103 healthcare workers na naka-quarantine that’s why we had to declare full capacity. However, ngayon, mga ano na lang sila, baka one-fourth,” ani Campos-Cagingin. “Meron pa rin, mga 20 plus.”</p><p>Samantala sa Ospital ng Imus kung saan dati naka-upo na lang sa bangko o wheelchair ang mga pasyente, ngayon ay bahagyang nagkaroon ng espasyo sa kama at umaabot na lang sa 80 porsiyento ang naka-admit sa COVID ER kada araw, ayon kay Dr. Jennifer Roamar, ang chief of clinics ng ospital.</p><p>Mataas pa rin ang paggamit sa COVID ward na nasa 80-90 porsiyento, habang 90-100 porsiyento sa intensive care unit.</p><p>Mula nitong Miyerkoles, nasa 1,492 ang mga aktibong kaso sa Cavite, ayon sa Department of Health.</p><p>Malayo na ito noong kasagsagan ng surge kung saan sa Bacoor City pa lang ay nasa higit 2,000 na ang aktibong kaso, habang may tig-1,000 ang ilang bayan at lungsod.</p><p>Sa tala ng DOH, 32.9 porsiyento lang o 283 sa 860 kama sa buong lalawigan ang okupado mula noong Martes.</p><div><strong>-- Ulat ni Michael Delizo, ABS-CBN News</strong></div>

Kasabay ng pagbaba ng mga naitatalang bagong kaso ng COVID-19, gumaganda na rin ang sitwasyon sa mga ospital sa Cavite.