Push Admin

Mga nawalan ng bahay, kabuhayan dahil sa Quinta nananawagan ng tulong

Article (news)

ABS-CBN News

<div class="embed-wrap"><figure data-feedback="fb:likes,fb:comments"><img src="http://sa.kapamilya.com/absnews/abscbnnews/media/2020/tvpatrol/10/25/typhoon.jpg"/><figcaption>Wasak ang maraming bahay sa Barangay Estrella, Naujan, Oriental Mindoro nang tumama ang storm surge sa lugar. <em>Dennis Datu, ABS-CBN News</em></figcaption></figure></div><p>MAYNILA - Nasapul ng mga malalaking alon ang mga bahay sa Barangay Estrella sa bayan ng Naujan nang masalanta ng bagyong Quinta nitong linggo.</p><p>Maraming bahay ang gumuho, at makapal na buhangin ang tumabon sa lugar.</p><blockquote class="twitter-tweet"><p dir="ltr" lang="tl">Umaapela ang mga residente ng Brgy. Estrella,Naujan, Oriental Mindoro na tulungan sila matapos na wasakin ng storm surge ang kanilang mga bahay dahil sa bagyong Quinta.<br/><br/>Narito ang hinaing nina Mary Ann Delos Reyes at Roida Marquez <a href="https://t.co/ovnkptdGIm">pic.twitter.com/ovnkptdGIm</a></p>— Dennis Datu (@Dennis_Datu) <a href="https://twitter.com/Dennis_Datu/status/1321744885624365056?ref_src=twsrc%5Etfw">October 29, 2020</a></blockquote><div><script async="" src="https://platform.twitter.com/widgets.js" charSet="utf-8" type="text/javascript"></script></div><p>Ang pinagpapasalamat na lang ng mga residente ay walang nagbuwis ng buhay sa kanila.</p><figure class="op-interactive"><iframe src="https://www.youtube.com/embed/RqBuyOr7I2w?enablejsapi=1"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Ilang araw na ang nakakalipas pero naghahanap pa rin ng mga maaaring magamit sa kanilang pagsisimula ng bagong buhay ang mga residente.</p><p>Dahil dito, tulong ang kanilang hiling para sa kanilang pagbangon.</p><p>&quot;Wala po kami naisalba kahit isang gamit, ultimo damit namin kung &#x27;di pa kami nagkalkal wala po kami susuotin,&quot; ayon kay Mary Ann Delos Reyes, na nawalan ng bahay dahil sa bagyo.</p><p>Pagkain ang unang hiling ng mga magulang para sa kaniyang mga nagugutom na anak.</p><p>&quot;Nabasa ng tubig-dagat, pinagtiyagaan naming &#x27;yun isaing para lang may makain kami eh ngayon wala na ho naubos na ho,&quot; pahayag ni Roida Marquez, isa sa mga nasalanta ng bagyo.</p><p>&quot;Wala po kami mapakain sa aming mga anak, nanawagan po ako sana po kami ay inyong matulungan. Sana po kami ay inyong mapuntahan ditto, parang awa niyo na po,&quot; ani Annabell Ilagan, isa pang residente.</p><p>Pangingisda ang pangunahing kabuhayan ng mga taga-Barangay Estrella pero ang bangka na kanilang ginamit ay wasak na rin kaya namomroblema sila kung paano sila makakapalaot.</p><p>&quot;Gutom na ho at napakahirap ho, wala na kami magagawa paraan, dagat lang pinagkakakitaan namin. Sana naman po ay dinggin ang aming hiling na matulungan,&quot; ayon kay Limson Acosta, na nasiraan ng bangka.</p><p>May ilan ding mga residente na nagalit dahil sa kakulangan ng babala ng mga lokal na opisyal.</p><p>Akala raw nila, mahina lamang ang bagyo dahil bago mawala ang suplay ng kuryente, Bicol ang huli nilang balita na tatamaan nito.</p><p>&quot;Wala ho nagpahiwatig sa aming taga-municipal na para kami ay sabihan para lumikas kaya di kami nakapaghanda na. Alam ho naming may bagyo pero hindi ho namin alam kung kalian darating, anong oras,&quot; ani Acosta.</p><p>Pero giit ng municipal disaster risk reduction and management office ng Naujan, sapat na ang mga binigay nilang babala.</p><p>&quot;Nandiyan ang ating information dissemination sa barangay natin, pinapadala &#x27;yan through text, may tawag pa tayo. Noong nag-signal number 3 tayo ay nag-evacuate sa Barangay Estrella,&quot; ani Joery Geloroio, MDRRMO office ng bayan.</p><div><strong>&#x27;ROLLY&#x27; PINAGHAHANDAAN</strong></div><p>Nangangamba na rin ang mga residente ngayong may paparating na rin ang bagyong Rolly at may posibilidad pa itong tumama sa kanilang bayan.</p><p>&quot;Darating pa daw ang Rolly eh sana naman huwag na sa amin pumunta dahil hindi na ho namin kakayanin. Di na nga po namin alam kung papaano magsisimula nito,&quot; ani Marquez.</p><p>Naghahanda na rin ang LGU sa pagpasok ng bagong bagyo.</p><p>&quot;Naka-monitor naman kami diyan sa bagyong Rolly. It’s good to know na para siyang lumilihis but hindi dapat maging kumpiyansado ang ating mga mamamayan,&quot; ani Naujan Mayor Mark Marcos.</p><p>Higit 800 bahay ang nawasak sa Naujan at higit 5,000 ang nagtamo ng mga pinsala.</p><p>Nakapagbigay ng inisyal na tulong ang LGU sa mga naapektuhang pamilya at plano rin nilang magbigay ng financial assistance.</p><p>Sa ngayon ay nakahanda na muli ang mga awtoridad sa bagyong Rolly.</p><p>Tatlong barangay rin sa Naujan ang isolated dahil sa mga nasirang kalsada.</p><div><strong>— Ulat ni Dennis Datu, ABS-CBN News</strong></div>

<p>Nasapul ng malalaking alon ang mga bahay sa Barangay Estrella sa bayan ng Naujan nang manalasa ang bagyong Quinta.<br /><br /> </p>

Nasapul ng malalaking alon ang mga bahay sa Barangay Estrella sa bayan ng Naujan nang manalasa ang bagyong Quinta.