Push Admin

16 bayan sa Quezon walang suplay ng kuryente; bilang ng mga inilikas tumaas

Article (news)

ABS-CBN News

Labing-anim na bayan sa lalawigan ng Quezon ang nakakaranas ng kawalan ng kuryente kaugnay pa rin sa pagtama ng bagyong Paeng.Ayon sa monitoring ng Quezon PNP at PDRRMO, kabilang sa mga walang supply ng kuryente ang mga bayan ng Gumaca, Infanta, Unisan, Catanauan, , Calauag, Macalelon, Panukulan, Jomalig, Alabat, Pitogo, Perez, Sampaloc, General Luna, Polillo, Gen Nakar, at San Antonio.Ito ay dahil sa pagkapinsala ng mga linya at mga poste sa nasabing bayan.Samantala umakyat na sa 4,397 na pamilya na binubuo ng 22,471 indibidwal ang nasa mga evacuation centers sa 22 bayan sa Quezon.Pinakamarami ang inilikas sa bayan ng Mulanay na nasa 2,996, na pamilya at may 11,512 katao.Karamihan ng inilikas sa lalawigan ay ang mga naninirahan sa tabing-dagat, mga tabing-ilog, at sa mga landslide at flood-prone areas.Binaha na rin ang ilang bayan kabilang ang Mauban at Lopez.<ul class="op-related-articles">	<li><a href="https://news.abs-cbn.com/news/10/29/22/paeng-threatens-metro-manila-cavite-bataan-pagasa">Paeng heading to Cavite-Metro Manila-Bataan area: PAGASA</a></li></ul>Mahigpit na minomonitor ng mga local disaster personnel ang mga ilog, partikular ang Iyam at Dumaca sa Lucena City, at Anoling sa General Nakar lumagpas na sa critical level na 3.00 meters.Maging ang Agos, na siyang main outlet ng mga ilog sa Sierra Madre mountain range na sakop ng Rizal at Quezon, ay nasa kritikal level na rin.Ayon sa mga DRRMO ng mga nabanggit na bayan, kapag patuloy pa ang naging pagtaas ng mga nabanggit na ilog ay magsasagawa pa sila ng karagdagang paglilikas ng mga residente na posibleng maakpektuhan ng malawakang pagbabaha. — Ulat ni Ronilo Dagos