Push Admin

Ilang sementeryo nagtamo ng pinsala dahil sa 'Paeng'

Article (news)

ABS-CBN News

<div class="embed-wrap"><figure data-feedback="fb:likes,fb:comments"><img alt="Manila North Cemetery" src="https://sa.kapamilya.com/absnews/abscbnnews/media/2022/life/10/30/20221030-manila-north-cemetery.jpg"/><figcaption>Manila North Cemetery</figcaption></figure></div>MAYNILA - Magbubukas na sa Lunes ang mga sementeryo sa lungsod ng Maynila matapos isara sa weekend dahil sa bagyong Paeng. Pero nag-iwan ng pinsala ang bagyo sa ilang mga libingan.Sa Manila North Cemetery, natumba ang dalawang puno at naglaglagan ang mga sanga at dahon. Nabiyak din ang ilang nitso. Ayon pa sa pamunuan ng sementeryo, may mga naipon pang baha sa looban. &quot;Kami naman po ay inatasan ni mayor, Mayor Honey Lacuna-Pangan na kailangan kami bilang administrador admin ng Manila North and South, i-ensure namin ang seguridad at kondisyon ng sementeryo,&quot; ani Manila North Cemetery director Roselle Castaneda. Inaasahan ng sementeryo na dodoble ang bilang ng mga bibisita sa araw ng Undas at posibleng umabot ito ng dalawang milyong katao. &quot;Di naman po kami maglilimit. As is pa rin ang plan ng Manila North, kasama ang kapulisan. ‘Yong plan namin noong una ganun din ang expectation namin sa bilang ng tao. Kung ‘di natin nasara ang sementeryo sana, makababawas po ‘yon sana sa bilang, pero tingin namin dadagsa ngayong tatlong araw, pero handa naman ang pamunuan ng Manila North,&quot; ani Castaneda. Maghapong nagputol din ng mga nabuwal na puno sa Manila South Cemetery. BInombahan na rin ng tubig ang mga kalyeng humupa na ang baha dito sa Manila South para malinis at sisipsipin din ng truck ang natirang tubig na hindi umagos papuntang kanal.Kani-kaniyang linis din ang mga caretaker ng mga nitso sa pag-asang bibisita ang may-ari nito sa Undas. &quot;Malaking abala rin po sa amin ‘yong dalawang araw na bumagyo, umulan. Siyempre wala hong napasok na dalaw kasi baha nga po. E mahirap naman papasukin ang mga dalaw nga naman kasi baha, delikado dito baka madulas sila,&quot; ani Manila South Cemetery caretaker Regina Astrolabio. Nananatili namang bukas ang ibang private cemetery gaya ng Loyola Memorial Park sa Marikina. <div>-- Ulat ni Anjo Bagaoisan, ABS-CBN News</div>

Sa Manila North Cemetery, natumba ang dalawang puno at naglaglagan ang mga sanga at dahon. Nabiyak din ang ilang nitso. 