Push Admin

Ilang tulay sa Maguindanao del Norte, nasira dahil sa mga pagbaha

Article (news)

ABS-CBN News

<figure class="op-interactive"><iframe allow="autoplay; fullscreen" frameBorder="0" height="100%" id="ivsplayer01" scrolling="no" src="https://player.ivideosmart.com/ivsplayer/v4/dist/html/iframe-src.html?iframeid=ivsplayer01&amp;key=e8c22c015ca9eafa76f1e3edfa03c603&amp;spid=3001339&amp;vid=2316272" width="100%"></iframe></figure><div class="iwantbar">Watch more News on <a href="https://www.iwanttfc.com/#!/browse/Genres/News/tag_id_genres/id_news" target="_blank">iWantTFC</a></div><p>PARANG, Maguindanao - Sa kahoy na lang tumatawid ang ilang residente ng bayang ito matapos maputol ang Nituan Bridge bunsod ng rumagasang tubig sa ilog noong Biyernes.</p><p>Hindi muna pinapadaanan sa mga sasakyan, kahit motorsiklo, ang nasabing tulay.</p><p>Para sa mga kailangan magdala ng sasakyan, may tatlong alternatibong ruta pero mas matagal ang biyahe.</p><p>Kung pupunta sa sentro ng bayan, aabutin pa ng 40 minuto bago makarating. Pero kung hindi nasira itong tulay, nasa limang minuto lang sana ang biyahe.</p><p>Wala ring palengke dito sa Nituan kaya kailangan talagang tumawid ng mga residente dahil ito ang pinakamalapit na bilihan sana. Ang problema nila, apat na beses pa silang mamamasahe.</p><p>Nanawagan ang mga residente na sana&#x27;y mapabilis ang pag-ayos ng nasirang tulay.</p><p>Sa ilalim nito kung saan may ilog, wala kabahayan pero may mga malalaking puno na natumba.</p><p>Apat na tulay ang hindi madaanan sa probinsya ng Maguindanao del Norte matapos masira ng hagupit ng bagyong Paeng: Labu-Labu bridge sa Datu Hoffer, tulay sa Diatlungan Ampatuan ng Maguindanao del Sur, Matengen Bridge sa Sultan Kudarat, at ang Nituan Bridge.</p><p>Ayon sa Public Works office ng Maguindanao del Norte, may pondo na ang BARMM at national government para sa pagsasaayos ng mga nasirang tulay sa highway. </p><p>Wala pa itong masabing eksaktong araw kung kailan masisimulan, pero ayon sa ahensya, ito ay sa lalong madaling panahon.</p><div><strong>- Ulat ni Chrislen Bulosan</strong></div>

Sa kahoy na lang tumatawid ang ilang residente ng bayang ito matapos maputol ang Nituan Bridge bunsod ng rumagasang tubig sa ilog noong Biyernes.