Push Admin

Landslides, aftershocks pinapangambahan matapos ang lindol sa Mindanao

Article (news)

ABS-CBN News

<figure class="op-interactive"><iframe src="https://www.youtube.com/embed/2yA-HR7OLOQ?enablejsapi=1"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Aabot sa 3,000 pamilya ang pinalikas ng lokal na pamahalaan ng Cotabato sa pangambang magkaroon muli ng landslide at mga aftershocks sa apat na barangay sa probinsiya.</p><p>Gayunman, pahirapan ang pagbaba ng ilang residente ng Cotabato sa mga parteng matinding tinamaan ng lindol. Nabarahan ng mga gumuhong lupa ang ilan sa mga pangunahing kalsada.</p><p>Dahil sa landslide, anim na oras o katumbas ng walong kilometro ang nilakad ng mga taga-Barangay Luayon para makarating sa ligtas na lugar.</p><p>&quot;Kinaya po namin sir kahit mahirap. Yung mga daan po sir grabe ang biyak malalaki po marami po landlside eto nga po nadapa anak ko,&quot; kuwento ng residenteng si Girlie Angal.</p><p>Natabunan din ng landslide ang daan-daang bahay sa komunidad ng Agco sa paanan ng Mt. Apo dahil sa malakas na lindol.</p><p>Kalahati ng bahay ng school principal na si Alejandro Bringas ang nahulog sa landslide.</p><p>&quot;Bigla kasi pagkahulog ng lupa, may narinig kaming ugong then sumunod na mga yero naririnig na namin parang biglaan kasabay ng pagyanig ng bundok,&quot; ani Bringas.</p><p>Ayon sa Phivolcs, posibleng magkaroon pa ng landslide kaya pinalilikas ng lokal na pamahalaan ang higit 3,000 pamilya sa apat na barangay sa Cotabato.</p><p>Mula noong lumindol noong Oktubre 29 at 31, dalawa ang nawawala habang 16 na ang namatay sa Cotabato, ayon sa National Disaster Risk Reduction and Management Council.</p><figure class="op-interactive"><iframe src="https://www.youtube.com/embed/N-L7p1yHgi8?enablejsapi=1"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Lima naman ang namatay sa Magsaysay, Davao Del Sur. Samantala, dalawa pa ang pinaghahanap.</p><p>Isa na sa namatay ang 70 anyos na si Benita Saban, na natabunan ng lupa.</p><p>May 8 pang katao na pinaghahanap sa Barangay Bato at Barangay Malasila sa Cotabato.</p><figure class="op-interactive"><iframe src="https://www.youtube.com/embed/hGGGPmA3FuY?enablejsapi=1"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Nasa 381 aftershocks ang yumanig sa Mindanao na may lakas na 1.5 hanggang 4.6 magnitude. Aabot sa 29 ang naramdaman dito.</p><p>Dahil sa tuloy-tuloy na aftershocks, hindi pa pinapauwi ang mga residente sa kanilang mga bahay.</p><p>&quot;For those staying in buildings, structures that are not fit for human habitation tingnan nilang mabuti lalo na iyang may semento,&quot; ani Duterte.</p><p>Samantala, nagpadala ng ayuda ang ilan sa lokal na pamahalaan sa Tulunan, Cotabato, gaya ni Davao City mayor Sara Duterte at ng lokal na pamahalaan ng Bohol.</p><p>Siniguro naman ng DSWD na agad silang magpapadala ng tulong sa mga biktima ng lindol.</p><p>Ayon kay Irene Dumlao, tagapagsalita ng Department of Social Welfare and Development, ginagawan na nila ng hakbang para matulungan ang ilang nangangailangan.</p><p>Iginiit ni Mark Timbal, tagapagsalita sa NDRRMC, na hindi pa kailangan ng ayuda mula sa ibang bansa.</p><p>&quot;Nakikita natin ang galing ng mga local governments in managing localized emergencies in their area,&quot; ani Timbal.</p><p>Ipinaalala sa mga residente na inspeksiyunan ang kanilang mga bahay at gusali bago balikan dahil posibleng gumuho nang hindi inaasahan ang mga ito dala ng sunod-sunod na lindol at aftershock.</p><div><strong>-- Ulat nina Dennis Datu, Ron Gagalac, Vina Araneta, at Jasmin Romero, ABS-CBN News</strong></div>

<p>Pahirapan ang pagbaba ng ilang residente ng Cotabato sa mga parte na nasapul ng lindol dahil sa mga landslide na nangyari sa komunidad.</p>

Pahirapan ang pagbaba ng ilang residente ng Cotabato sa mga parte na nasapul ng lindol dahil sa mga landslide na nangyari sa komunidad.