Push Admin

#Undas2019: Daan-libong tao dumalaw sa mga sementeryo sa Kamaynilaan

Article (news)

ABS-CBN News

<p>Daan-libong katao ang dumagsa sa iba&#x27;t ibang sementeryo sa Kamaynilaan para magnilay, magdasal, at alalahanin ang mga namayapang mga mahal sa buhay nitong Undas, Nobyembre 1.</p><p>Ayon sa tantiya ng National Capital Region Police Office, umabot sa 960,095 ang bilang ng mga bumibisita sa iba&#x27;t ibang sementeryo mula alas-2 ng hapon ng Nobyembre 1.</p><figure class="op-interactive"><iframe src="https://www.youtube.com/embed/45XRwtqbJv0?enablejsapi=1"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Kahit umuulan, dumagsa pa rin ang mga libo-libong dumadalaw sa Manila South Cemetery magmula nitong umaga ng Biyernes.</p><p>Sa dami ng tao, sinusuotan ng mga nametag ang mga bata sakaling mapahiwalay sa mga anak.</p><p>May ilang matatanda rin na nasa sementeryo, gaya ni Melita Ignacio, na nag-alay ng bulaklak sa namayapang asawa.</p><p>Pilit naman inaalala ng 78 anyos na si Lorito Castro kung nasaan nakalibing ang kaniyang asawang si Beatriz.</p><p>At nang makita ito, nagpaabot siya ng bulaklak, na sinabayan ng tahimik na pagpunas ng luha.</p><p>&quot;Na-miss ko siya. Sabi ko bigyan ng magandang buhay pa,&quot; pahayag ni Castro.</p><figure class="op-interactive"><iframe src="https://www.youtube.com/embed/KbD2EO8-MC8?enablejsapi=1"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Maaliwalas naman ngayon sa Manila North Cemetery, kung saan estriktong ipinapairal ang &quot;no vendor policy.&quot;</p><p>Kung noo&#x27;y inaabot nang halos isang oras ang pagpasok ni Luz Malenab sa sementeryo, inaabot na lang ngayon nang 16 minuto.</p><p>&quot;Mas ok na ok ngayon. Ang luwag, maaliwalas. Para ka lang namamasyal&quot; pahayag ni Malenab na binisita ang namayapang mister, dalawang kapatid, at ama.</p><p>Sa ngayon, sinusubukan pa ng ilang vendor na dumiskarte sa pagbebenta ng mga pagkain sa loob sa kabila ng pinapairal na &quot;no-vendor policy.&quot;</p><p>Unti-unting nag-ikot ang mga vendor tulad ni Bochok Francisco, na alam na bawal ang pagbebenta sa loob.</p><p>&quot;Kay Mayor, pasensiya na. Alam naming bawal pero kailangan namin gawin,&quot; ani Francisco.</p><p>Naging first aid station na ang bahagi ng Manila North Cemetery na noo&#x27;y puno ng mga vendor.</p><p>Naaresto rin ang apat na kataong nagbebenta sa loob ng sementeryo.</p><p>Naniniwala ang pamunuan ng Manila North Cemetery na makakasanayan din ng mga tao ang bagong patakaran tuwing Undas.</p><figure class="op-interactive"><iframe src="https://www.youtube.com/embed/9CHG1xmwm9I?enablejsapi=1"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><div><strong>TRAPIKO</strong></div><p>Nakaramdam naman ng kaunting pagbigat ng trapiko ang mga bumibisita ng Manila Memorial Park sa Parañaque City.</p><p>Napalala pa ito ng pabugso-bugsong ulan.</p><p>Inayudahan ng mga enforcer ang trapiko sa mga kanto ng sementeryo pero hindi pa ito maresolba kaya nagpalipad ng mga drone ang Philippine Army.</p><figure class="op-interactive"><iframe src="https://www.youtube.com/embed/JT2M6nYK6Rs?enablejsapi=1"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Pero magmula nitong gabi ng Biyernes, maluwag ang daloy ng trapiko sa North Luzon Expressway at South Luzon Expressway, na nagsisilbing daan para sa mga motoristang bibiyahe para magbakasyon o alalahanin ang mga namayapang kaanak.</p><p>Nagkaroon nitong umaga ng Biyernes ng kaunting pila sa toll gate sa NLEX, partikular sa Lawang Bato kung saan mayroong sementeryo.</p><p>Pero hindi naman daw ito mabigat kumpara noong Huwebes.</p><p>Magaan din ang trapiko sa SLEX, pero nagkaroon ng kaunting pagsikip sa Sucat Interchange dahil sa pagkakaroon ng dalawang malaking sementeryo sa lugar.</p><p>Handa na rin ang dalawang expressway sa &quot;exodus&quot; ng motoristang inaasahang babalik sa Maynila mula Sabado ng gabi hanggang Lunes ng madaling araw.</p><div><strong>-- Ulat nina Raphael Bosano, Chiara Zambrano, Doris Bigornia, at Jacque Manabat, ABS-CBN News</strong></div>

<p>Daan-libong katao ang dumagsa sa iba't ibang sementeryo sa Kamaynilaan nitong Undas, Nobyembre 1.</p>

Daan-libong katao ang dumagsa sa iba't ibang sementeryo sa Kamaynilaan nitong Undas, Nobyembre 1.