Push Admin

Undas 2022: Mga Pinoy dumagsa sa mga sementeryo

Article (news)

ABS-CBN News

<div class="embed-wrap"><figure data-feedback="fb:likes,fb:comments"><img alt="Libo-libong Pilipino ang nagtungo sa Manila North Cemetery ngayong Martes, All Saints" Day.="" George="" ABS-CBN="" src="https://sa.kapamilya.com/absnews/abscbnnews/media/2022/life/11/01/20221101-undas-manila-north-cemetery-gc-8.jpg"/><figcaption>Libo-libong Pilipino ang nagtungo sa Manila North Cemetery ngayong Martes, All Saints&#x27; Day. <em>George Calvelo, ABS-CBN News</em></figcaption></figure></div><p>MAYNILA (UPDATE) — Sa kabila ng pabago-bagong panahon, hindi natinag ang maraming Pilipino para dalawin ngayong Martes ang kanilang mga yumaong mahal sa buhay sa mga sementeryo bilang paggunita sa Undas. </p><p>Sa Manila North Cemetery, dagsa ang mga tao at mistulang nabalewala ang physical distancing sa pila papasok sa isa sa pinakamalaking sementeryo sa Metro Manila.</p><p>Sa haba ng pila, umabot ito hanggang Blumentritt Road at nahirapan ang mga awtoridad na magpatupad ng physical distancing kaya puspusan ang kanilang pagpapaalala sa tamang pagsuot ng face mask. </p><p>May ilang magulang ang hinarang papasok dahil hindi bakunado ang kasama nilang bata habang ang ibang batang edad 12 pababa na walang dalang COVID-19 vaccination card ay pinasilong muna sa barangay hall.</p><p>Sa Manila South Cemetery, inabot nang isang oras sa pila ang ilang mga bumisita.</p><p>Bandang alas-4 ng hapon, umabot umano sa 150,000 ang bilang ng mga nakapasok sa Manila South Cemetery, higit doble sa bilang na 60,000 na naitala noong alas-3 ng hapon.</p><p>Gaya noong Lunes, hamon pa rin na isinama ng mga bisita ang mga bata na walang COVID-19 vaccination card, na requirement para papasukin ng sementeryo, ayon kay Manila South Cemetery Director Jonathan Garzo.</p><p>Muling nagtalaga ang sementeryo ng lugar kung saan puwedeng iwanan ang mga batang hindi bakunado habang dumadalaw ang kanilang mga magulang sa mga puntod.</p><figure class="op-interactive"><iframe allow="autoplay; fullscreen" frameBorder="0" height="100%" id="ivsplayer01" scrolling="no" src="https://player.ivideosmart.com/ivsplayer/v4/dist/html/iframe-src.html?iframeid=ivsplayer01&amp;key=e8c22c015ca9eafa76f1e3edfa03c603&amp;spid=3001339&amp;vid=	2320102" width="100%"></iframe></figure><div class="iwantbar">Watch more News on <a href="https://www.iwanttfc.com/#!/browse/Genres/News/tag_id_genres/id_news" target="_blank">iWantTFC</a></div><p>Nagtayo naman ng vaccination sites ang lokal na pamahalaan ng Quezon City sa labas ng mga pampublikong sementeryo sa lungsod bilang bahagi ng kanilang kampanya laban sa COVID-19.</p><p>Pero may ilan ding private memorial park tulad ng Himlayang Pilipino na nilagyan din ng vaccination site.</p><p>Sa Mandaluyong, pinayagang iuwi ang abo ng mga yumao simula noong nakaraang linggo. Pero kailangan ibalik ang mga ito sa mga columbarium isang linggo pagkatapos ng Undas.</p><p>Mayroon ding mga grupong nag-aalok ng libreng tubig at medical assistance sa labas ng ilang sementeryo. </p><p>Hindi rin natinag sa ulan ang mga bumisita sa Manila Memorial Park sa Parañaque at Loyola Memorial Park sa Marikina.</p><p>Sa San Juan, kakunti lang ang mga bumisita sa mga sementeryo dahil sa pabago-bagong panahon.</p><div><strong>— Ulat nina Raya Capulong, Zyann Ambrosio, Adrian Ayalin, Jeck Batallones, Jervis Manahan at Jekki Pascual, ABS-CBN News</strong></div>

Sa kabila ng pabago-bagong panahon, hindi natinag ang maraming Pilipino para dalawin ang kanilang mga yumaong mahal sa buhay ngayong Undas.