Push Admin

Mga empleyado ng PCSO, umaaray sa suspendidong mga benepisyo

Article (news)

ABS-CBN News

Umaaray at mababa na umano ang morale ng mga empleyado ng Philippine Charity Sweepstakes Office (PCSO) sa pagsuspinde ng kanilang mga &quot;unauthorized&quot; allowances matapos sitahin ng Commission on Audit (COA). Sa panayam ng DZMM, ikinuwento ni PCSO Chairman Jose Jorge Corpuz ang daing ng kaniyang mga staff dahil sa natapyasang take-home pay.&quot;Malaki po ang effect sa mga empleyado, na-low morale po sila...Example yung aking staff in my office, [one of them] about P12,000 per month ang nawala sa kaniya. Ang take home [pay] niya na lang naging P600,&quot; pagbabahagi ni Corpuz. Ayon kasi sa annual audit report ng COA para sa 2016, aabot ng halos P518.3 milyon ng hindi awtorisadong benepisyo ang tinanggap ng mga empleyado ng PCSO.Ilan sa mga ito ay napunta sa Christmas bonus, 14th at 15 month pay, educational assistance, grocery allowance, at iba pang klaseng benepisyo.Pero depensa ni Corpuz, ang mga nasabing bonus ay nakagawian na simula pa noong mga nakaraang administrasyon dahil parte umano ito ng mga compensation package ng mga empleyado. Aniya, taon-taon naman daw naglalabas ng notice of disallowance ang COA laban sa kanilang ahensiya ngunit nasosolusyunan daw ito sa pamamagitan ng &quot;post-facto approval&quot; ng nakaupong Pangulo. &quot;For the past years, binigyan po yan ng approval ng mga previous administrations,&quot; paliwanag ni Corpuz.Subalit ito&#x27;y nagbago nang maupo si Pangulong Rodrigo Duterte, na makailang ulit sinabing dapat nang itigil ang nagsisilakihang allowances ng mga empleyado ng gobyerno. Agosto nila natanggap ang pasabi ng Office of the President (OP) na hindi inaprubahan ang kanilang &quot;post-facto&quot; request kaya&#x27;t Setyembre pa lang ay suspendido na ang mga benepisyo ng mga tauhan ng PCSO.&quot;This present administration gave us a straightforward answer na they disapproved. &#x27;Dinisapprove&#x27; po ng OP yung request,&quot; ani Corpuz.Hinaing ni Corpuz, ang mga nasabing &quot;perks&quot; ay &quot;all accounted for&quot; o kayang ipaliwanag. Dagdag nito, ang mga benepisyo ay isa lamang hakbang para makasabay ang mga taga-PCSO sa antas ng pasahod sa ibang kumpanya. &quot;Kasi naman &#x27;yung GOCCs (government-owned and controlled corporations), hindi po kami kasali sa salary [increases] since 1989, nu&#x27;ng lumabas po &#x27;yung salary standardization...so habang nag-i-increase &#x27;yung ibang kumpanya, &#x27;yung PCSO naman, ito lang ang compensation package namin which is very low,&quot; saad ni Corpuz. Paniguro ni Corpuz, hahanapan nila ng lunas ang hinaing ng mga taga-PCSO.&quot;So now we&#x27;re finding solutions how to compensate, to soften the impact on our personnel,&quot; ani Corpuz.

Umaaray at mababa na umano ang morale ng mga empleyado ng Philippine Charity Sweepstakes Office sa pagsuspinde ng kanilang mga 'unauthorized' allowances matapos sitahin ng Commission on Audit.

Umaaray at mababa na umano ang morale ng mga empleyado ng Philippine Charity Sweepstakes Office sa pagsuspinde ng kanilang mga 'unauthorized' allowances matapos sitahin ng Commission on Audit.