Push Admin

Mga katutubong nasalanta ng Quinta di pa rin nahahatiran ng tulong

Article (news)

ABS-CBN News

<div class="embed-wrap"><figure data-feedback="fb:likes,fb:comments"><img src="http://sa.kapamilya.com/absnews/abscbnnews/media/2020/news/11/02/mangyan-oriental-mindoro.jpg"/><figcaption>Nasalanta ng bagyong Quinta ang komunidad ng mga katutubong Mangyan sa Naujan, Oriental Mindoro. <em>ABS-CBN News</em></figcaption></figure></div><p>Sinimulan nang itayo ngayong Lunes ng mga katutubong Mangyan ang kanilang mga bahay sa Barangay Paitan sa Naujan, Oriental Mindoro na nasira noon pang bagyong Quinta.</p><p>Pero idinaing ng mga katutubo na sa kabila ng pagdaan ng Quinta at Rolly ay hindi pa rin sila nakakatanggap ng ayuda.</p><p>&quot;Kahit pagkain lang naman, &#x27;yan ang gusto naming tulong. Gutom na halos, hindi na kami makalakad sa hirap,&quot; anang residenteng si Dionisio Ramonay.</p><p>Sa mga pananim gaya ng mga saging umaasa ang mga katutubo pero itinumba na ito ng bagyo.</p><p>&quot;&#x27;Yong mga maliliit na saging na lang na makakain, &#x27;yon na lang po makukuha ng mga bata, pagkain din,&quot; sabi naman ni Florencio Saballa.</p><p>Ayon kay Bernardo Lintawagin Jr., chairperson ng Barangay Paitan, 4 na sitio pa ang hindi nararating dahil sa dami ng mga natumbang puno.</p><p>Kung lalakarin papunta sa mga komunidad, 3 araw umano ang aabutin at mataas din ang tubig sa ilog kaya walang makatawid.</p><figure class="op-interactive"><iframe height="315" src="https://www.youtube.com/embed/wPuydn56sgc?enablejsapi=1" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Nasa 120 pamilya ang nangangailangan ng tulong sa mga nasabing sitio.</p><p>&quot;Kami po sana ay tulungan kahit na po &#x27;yong panandaliang pagkain lang ho sana habang kami ay muli nagtatanim,&quot; ani Lintawagin.</p><p>Ayon sa Naujan Municipal Disaster and Risk Reduction Management Office (MDRRMO), 5 barangay ang hindi pa mahatiran ng tulong dahil sa hirap ng daan.</p><p>Kasama umano rito ang Banuton, Caburo, Malvar, Montelago, at Paitan.</p><p>&quot;Pinaghahanda na kami ni mayor at bukas po baka sakaling madalhan na sila,&quot; ani Joery Gereleo, tagapamuno ng Naujan MDRRMO.</p><p>&quot;Buwis buhay po pagtawid sa ilog, mahirap magsakripisyo,&quot; aniya.</p><p>Hirap din umano sa pondo ang lokal na pamahalaan dahil sa pandemya kaya kailangang matiyak muna kung sino ang mga dapat tumanggap ng tulong sa mga nasalanta ng Quinta.</p><p>Mabuti rin umano na hindi nagdulot ng dagdag na pinsala ang nagdaang bagyong Rolly sa bayan.</p><div><strong>-- Ulat ni Dennis Datu, ABS-CBN News</strong></div>

<p>Hindi pa nararating ng tulong ang mga katutubong Mangyan sa Naujan, Oriental Mindoro na nasalanta ng Quinta.<br /> </p>

Hindi pa nararating ng tulong ang mga katutubong Mangyan sa Naujan, Oriental Mindoro na nasalanta ng Quinta.