Push Admin

Ilang public schools pinayagang mag-blended learning dahil kulang sa pasilidad: DepEd

Article (news)

ABS-CBN News

<figure class="op-interactive"><iframe allow="autoplay; fullscreen" frameBorder="0" height="100%" id="ivsplayer01" scrolling="no" src="https://player.ivideosmart.com/ivsplayer/v4/dist/html/iframe-src.html?iframeid=ivsplayer01&amp;key=e8c22c015ca9eafa76f1e3edfa03c603&amp;spid=3001339&amp;vid=2323783" width="100%"></iframe></figure><div class="iwantbar">Watch more News on <a href="https://www.iwanttfc.com/#!/browse/Genres/News/tag_id_genres/id_news" target="_blank">iWantTFC</a></div><p>Kabilang ang Justice Cecilia Muñoz Palma Senior High School sa mga pampublikong paaralan na exempted sa mandato ng Department of Education (DepEd) na full face-to-face classes, na sinimulang ipatupad noong Miyerkoles.</p><p>Mahihirapan kasing ipatupad ang full face-to-face classes, lalo&#x27;t higit 10,000 ang estudyante sa paaralan, kaya tuloy muna sila sa blended learning.</p><p>Kabilang sa mga estratehiyang ipinatupad ng paaralan upang matugunan ang dami ng mga estudyante ang paghahati ng classroom para magkasya ang 2 klase, pagkakaroon ng morning at afternoon shift, at salitang in-person classes at distance learning kada linggo.</p><p>&quot;Ang classroom lang namin, kung walang hati, 60 lang iyon. Nahati, nagiging 120,&quot; kuwento ng principal na si Almario Aurelio.</p><p>Sa kabila ng mandatong full in-person classes sa public schools, puwedeng ipagpatuloy ang blended learning sa mga paaralang kulang sa pasilidad, sabi ngayong Huwebes ni DepEd Spokesperson Michael Poa.</p><p>&quot;We find in-person classes to be most advantageous for our learners. But at the same time, we also need to be concerned about their safety and welfare,&quot; ani Poa.</p><p>&quot;Kung highly congested po ang ating mga paaralan, iyan po talaga pinagbibigyan na mag-continue sa blended learning modality until maayos po iyong sitwasyon in terms of iyong mga classroom shortages at kakulangan sa learning resources,&quot; dagdag niya.</p><p>&quot;Lahat ng estratehiya po ay nagamit na ng ating mga eskuwelahan. Bago sila humingi ng kapahintulutan na magkaroon ng blended learning ay tiningnan muna lahat ng mga posibilidad,&quot; sabi naman ni Wilfredo Cabral, direktor ng DepEd sa National Capital Region.</p><ul class="op-related-articles">	<li><a href="https://news.abs-cbn.com/news/11/02/22/public-schools-balik-full-face-to-face-classes-na">Mga pampublikong paaralan balik-full face-to-face classes na</a></li></ul><p>Sa Quezon City, hinihikayat naman ng schools division office na magsuot pa rin ng face mask ang mga estudyante kahit pa voluntary na ang pagsusuot nito sa indoor areas.</p><p>Inaantabayanan naman ng mga pribadong paaralan ang pormal na direktiba ng DepEd ukol sa indoor masking, ayon sa grupong Coordinating Council of Private Educational Associations of the Philippines.</p><div><strong>PINABABALIK NA GADGET? </strong></div><p>Muli namang nilinaw ng DepEd ang konteksto ng pagpapasauli nito ng laptop na ipinahiram sa mga guro noong kasagsgaan ng purong distance learning.</p><p>&quot;Naglabas po kasi ng memo back in 2020... na nagsasabi na, as an exception lang po, ma-release at mapahiram ang gadgets found in our computer labs in our schools sa mga teachers,&quot; paliwanag ni Poa.</p><p>&quot;These are gadgets that are actually the property of the schools themselves, &#x27;no. Hindi po ito &#x27;yong mga ini-issue natin sa teachers. At nakasaad din po sa memo na ito... that the teachers are required to return the devices upon the resumption of regular classes,&quot; dagdag ni Poa.</p><p>Ayon sa DepEd, puwede namang magpasa ng request ang mga guro sa kanilang school head kapag kailangan pa talaga nila ng gagamiting laptop.</p><p>May mga ipinamahagi rin umanong gadgets ang mga lokal na pamahalaan sa mga guro.</p><div><strong>— Ulat ni Arra Perez, ABS-CBN News</strong></div>

Pinayagan munang magpatuloy sa blended learning ang ilang public schools na kulang sa pasilidad para sa full face-to-face classes, ayon sa DepEd.