Push Admin

'Preso na, pinatay pa': Tatay ni Jun Villamor galit nang malaman ang autopsy result sa anak

Article (news)

ABS-CBN News

<p>Magkahalong tuwa at galit ang naramdaman ng tatay ni Jun Villamor nang lumabas ang resulta ng autopsy ni forensic pathologist Dr. Raquel Fortun sa bangkay ng preso.</p><p>Si Jun ang sinasabing isa sa mga middleman sa pagpatay sa broadcaster na si Percival &quot;Percy Lapid&quot; Mabasa noong Oktubre 3.</p><p>Ayon sa tatay ni Jun, nangyari ang ikinatatakot ng kaniyang anak na nanganganib umano ang kaniyang buhay sa Bilibid. Nasabi umano ito sa kaniya noong magkausap sila sa telepono bago natagpuang patay si Jun noong Oktubre 18.</p><p>Nagpapasalamat ang ama kay Fortun at kontento aniya siya sa resulta ng autopsy lalo&#x27;t lumabas ang katotohanan.</p><p>&quot;Ginpatay gud iton hiya hi Jun Villamor. Asya gud ak pagduda, ginpatay kay amo ak... istorya ak anak nga ginkinulbaan hiya. Nasina ako, kay preso na, ira pa ginpatay. Bisan sin-o mangalas hiton,&quot; sabi ng ama ni Jun.</p><p>(Pinatay talaga si Jun Villamor! &#x27;Yun ang duda ko kasi nasabi na niya na nanganganib ang kaniyang buhay. Nagagalit ako dahil preso na, pinatay pa nila. Kahit sino magagalit talaga.)</p><ul class="op-related-articles">	<li><a href="https://news.abs-cbn.com/news/10/29/22/percy-lapid-slay-middleman-died-from-plastic-bag-suffocation-re-autopsy">Percy Lapid slay &#x27;middleman&#x27; died from plastic bag suffocation: second autopsy</a></li></ul><p>Dapat managot ang nasa likod ng pagpatay kay Jun, sabi ng tatay.</p><p>&quot;Karuyag ko iton nga presohon liwat,&quot; aniya.</p><p>(Gusto kong makulong sila.)</p><p>Pagbabahagi ng tatay, kinuha na ng National Bureau of Investigation o NBI ang kaniyang cellphone kaugnay ng isinasagawang imbestigasyon.</p><p>Pinuntahan din siya ng taga-Commission on Human Rights para tulungan siyang mag-file ng kaso laban sa mga umano&#x27;y pumatay kay Jun.</p><p>&quot;Karuyag ko iton matagan ak anak hin hustisya,&quot; ani ng ama ni Jun. &quot;Kay preso na, ginpatay pa.&quot;</p><p>(Gusto kong mabigyan ng hustisya ang anak ko kasi nakakulong na, pinatay pa.)</p><p>Nagpapasalamat naman siyang may mga pulis na nakabantay sa kanila ngayon para matiyak ang kanilang seguridad.</p><p>Hinihintay na lang ng tatay ni Jun na maiuwi ang bangkay ngayong linggo.</p><ul class="op-related-articles">	<li><a href="https://news.abs-cbn.com/news/11/02/22/percy-lapid-slay-alleged-masterminds-named-murder-charges-to-be-filed-brother">Percy Lapid killing: Alleged masterminds named; murder charges to be filed — brother</a></li>	<li><a href="https://news.abs-cbn.com/video/news/11/03/22/alleged-masterminds-behind-lapid-murder-identified">Alleged masterminds behind murder of Percy Lapid identified</a></li></ul><div><strong>— ulat ni Ranulfo Docdocan</strong></div><div><strong>KAUGNAY NA BALITA</strong></div><figure class="op-interactive"><iframe allow="autoplay; fullscreen" frameBorder="0" height="100%" id="ivsplayer01" scrolling="no" src="https://player.ivideosmart.com/ivsplayer/v4/dist/html/iframe-src.html?iframeid=ivsplayer01&amp;key=e8c22c015ca9eafa76f1e3edfa03c603&amp;spid=3001339&amp;vid=2303586" width="100%"></iframe></figure><div class="iwantbar">Watch more News on <a href="https://www.iwanttfc.com/#!/browse/Genres/News/tag_id_genres/id_news" target="_blank">iWantTFC</a></div>

'Nagagalit ako dahil preso na, pinatay pa nila. Kahit sino magagalit talaga,' sabi ng tatay ni Jun Villamor.