Push Admin

Deployment ng household workers sa Saudi, ibabalik simula Nobyembre 7

Article (news)

ABS-CBN News

<figure class="op-interactive"><iframe height="315" src="https://www.youtube.com/embed/VUmjC4qcwu8?enablejsapi=1" width="560"></iframe></figure><div class="iwantbar">Watch more News on <a href="https://www.iwanttfc.com/#!/browse/Genres/News/tag_id_genres/id_news" target="_blank">iWantTFC</a></div><p>MANILA — Ibabalik na ang deployment ng bagong household workers pa-Saudi Arabia simula Nobyembre 7. </p><p>Pero kaakibat nito ang mas mahigpit na proseso para hindi na maulit ang pang-aabuso sa mga overseas Filipino worker na siyang dahilan para suspendehin ang deployment. </p><p>Bunga ng kasunduan ng Pilipinas at Saudi Arabia noong Setyembre ang pagtanggal ng deployment suspension. </p><p>Sa ilalim ng kasunduan, dapat may insurance ang mga empleyado para sa kanilang kaligtasan oras na hindi sila bayaran ng sahod ng employer. Electronic na rin ang pagpapasahod para madaling ma-monitor. </p><p>Nangako na rin ang Saudi Arabia na magiging aktibo ito kontra sa mga kaso ng human trafficking. </p><p>Dapat ding magtalaga ng welfare officer ang mga recruitment agency ng Saudi Arabia at Pilipinas para tutukan ang mga reklamo ng mga OFW. </p><p>Magpapalitan ng blacklist ang 2 bansa para hindi na makuha ng worker ang mga tiwali at abusadong employer at ahensiya. </p><p>Higit sa lahat, kailangang pumasa sa whitelist ang mga recruitment agency na nais mag-deploy ng manggagawa sa Saudi. </p><p>&quot;Kailangan niya ng 3 clearance. Clearance na wala siyang kaso, walang violation, walang order for repatriation,&quot; ani DMW Undersecretary Bernard Olalia. </p><p>Dahil sa paghihigpit, hindi agad-agad na makakaalis ang mga OFW sa Lunes. </p><p>Employer at recruitment agency din dapat ang gumastos sa muling pagproseso ng mga dokumento ng worker. </p><p>Nakatakda namang dumating sa susunod na linggo ang mga kinatawan ng Saudi Arabia para pag-usapan ang unpaid claims ng mga OFW na pinauwi noong 2016. </p><p>&quot;Ang aming assurance, the DMW understands and [is] sympathetic to our workers. We were also motivated to make sure hindi na mangyayari ulit… Assurance din na every time nag-uusap kami [na] kasama ito,&quot; ani DMW Secretary Toots Ople. </p><div><strong>— Ulat ni Zen Hernandez, ABS-CBN News</strong></div>

Ibabalik na ang deployment ng bagong household workers pa-Saudi Arabia simula Nobyembre 7. 