Push Admin

Ilang taga-Catanduanes halos 4 na oras ang nilakad para makakuha ng relief goods

Article (news)

ABS-CBN News

<div class="embed-wrap"><figure data-feedback="fb:likes,fb:comments"><img src="http://sa.kapamilya.com/absnews/abscbnnews/media/2020/news/11/05/20201104-rolly-aftermath-catanduanes-gc-1901.jpg"/><figcaption>Nagsampay ng damit ang isang lalaki sa isang natumbang poste ng kuryente sa San Andres, Catanduans noong Nobyembre 4, 2020. <em>George Calvelo, ABS-CBN News</em></figcaption></figure></div><p>Gutom na ang ilang taga-Virac, Catanduanes na hindi maabutan ng relief goods dahil hindi pa rin madaanan ang ilang kalsada sa lugar kasunod ng pananalasa ng bagyong Rolly.</p><p>Kinailangan pang maglakad ng nasa 200 residente, kasama ang 57 anyos na si Gloria Tria, nang halos 4 na oras para makarating sa Barangay Hicming, kung saan nagpadala ng relief goods ang lokal na pamahalaan.</p><p>Si Tria ay taga-Barangay Dugui Too, na hindi maabutan ng tulong dahil sa landslides at mga putol na kalsada.</p><figure class="op-interactive"><iframe height="315" src="https://www.youtube.com/embed/Qjae2XtNw-Y?enablejsapi=1" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Ininda umano ni Tria ang pananakit ng tuhod sa sa higit 8 kilometrong lakad.</p><p>Ayon kay Tria, gutom na sila at kapag naubos ang mga natirang tanim ng saging at gabi ay wala na silang kakainin.</p><p>Nakakuha ng 5 kilong bigas at ilang de-lata si Tria, na puwede na raw na panlaman sa kumakalam na sikmura para sa ilang araw.</p><p>Isa lang ang Dugui Too sa 3 barangay na hindi naabot ng relief goods. Wala rin umanong komunikasyon sa mga lugar dahil bagsak pa rin ang signal.</p><p>Aminado rin ang lokal na pamahalaang hirap silang makalikom ng relief goods.</p><p>Maaga pa lang, nakaabang na sa paliparan ng Virac si Mayor Sinforoso Sarmiento Jr. sakaling may dumating na tulong.</p><p>&quot;Para &#x27;yong Virac mauna sa mga relief na ibibigay kasi kami talaga ang hard hit,&quot; ani Sarmiento.</p><figure class="op-interactive"><iframe height="315" src="https://www.youtube.com/embed/lpU97gdOTc4?enablejsapi=1" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a>   <em>Jacque Manabat, ABS-CBN News</em></div><p>Wala ring magawa ang lokal na pamahalaan kundi manghingi, lalo&#x27;t nabasa lahat ng 8,000 sako bigas ng National Food Authority sa Catanduanes matapos sirain ng bagyo ang warehouse.</p><p>Mahaba rin ang pila sa mga water refilling station dahil wala pa ring sapat na supply ng tubig ang bayan.</p><blockquote class="twitter-tweet"><p dir="ltr" lang="en">“Bukas na lang po.”<br/><br/>“Kanina pa ako nandito.”<br/><br/>Residents of Virac Catanduanes troop to water refilling stations holding up empty containers Thursday morning.<br/><br/>Still no water supply &amp; electricity in most areas of Virac after typhoon <a href="https://twitter.com/hashtag/RollyPH?src=hash&amp;ref_src=twsrc%5Etfw">#RollyPH</a> left the municipality in shambles. <a href="https://t.co/Kuuwf26dW7">pic.twitter.com/Kuuwf26dW7</a></p>— Jacque Manabat (@jacquemanabat) <a href="https://twitter.com/jacquemanabat/status/1324138730404282368?ref_src=twsrc%5Etfw">November 4, 2020</a></blockquote><div><script async="" src="https://platform.twitter.com/widgets.js" charSet="utf-8" type="text/javascript"></script></div><p>Nauna nang inamin ng provincial government ng Catanduanes na sasapat lang nang 2 o 3 araw ang dumarating na pagkain sa kanila.</p><p>Nakadapa na ang kanilang palayan at mga puno ng abaca, na pangunahing kabuhayan ng mga residente.</p><p>Pero tiniyak ng Malacañang na hindi pababayaan ng national government na magutom ang mga taga-Catanduanes.</p><p>&quot;Hindi po papayagan ni Presidente Duterte na magkulang ng pagkain at tubig sa Catanduanes, iyan po ay pangako ng presidente. Katunayan, 60 tons po ng relief goods ay naririyan na,&quot; ani Presidential Spokesperson Harry Roque.</p><div><strong>-- Ulat ni Jacque Manabat, ABS-CBN News</strong></div>

<p>Halos 4 na oras ang nilakad ng ilang taga-Catanduanes para lang makarating sa barangay na pinagbabagsakan ng relief goods.</p>

Halos 4 na oras ang nilakad ng ilang taga-Catanduanes para lang makarating sa barangay na pinagbabagsakan ng relief goods.