Push Admin

Kulong sa mga magulang na 'di nagbibigay ng sustento isinusulong ng ilang mambabatas

Article (news)

ABS-CBN News

<div class="embed-wrap"><figure data-feedback="fb:likes,fb:comments"><img alt="Josh Willink/Pexels " src="https://sa.kapamilya.com/absnews/abscbnnews/media/2022/life/11/08/20221108-child-father.jpg"/><figcaption><em>Josh Willink/Pexels </em></figcaption></figure></div><p>MAYNILA — Isinusulong ng ilang mambabatas sa Kamara ang pagkukulong sa mga magulang na mapatutunayang sinasadya at paulit-ulit na hindi nagbibigay ng sustento sa kanilang mga anak.</p><p>Sa isang pahayag na inilabas ngayong Martes, ipinaliwanag ni Davao City First District Rep. Paolo Duterte na sa ilalim ng House Bill (HB) 4807, maaaring makulong ang magulang nang 2 hanggang 4 na taon kung mapatutunayang paulit-ulit itong hindi nagbibigay ng financial support sa anak.</p><p>Itinutulak din sa ilalim ng panukala ang multang P100,000 hanggang P300,000 sa mga magulang na hindi nagbibigay ng sustento.</p><p>Puwede namang mailagay sa probation ang mga magulang na first-time offender, ani Duterte.</p><p>Dagdag niya, karamihan sa mga pabayang magulang ay mga lalaki at dapat silang patawan ng mas mahigpit na parusa kung hindi natutupad ang responsibilidad.</p><p>&quot;Solo parents already have the responsibility of taking care of their kids on their own. They should not be burdened with the problem of compelling their irresponsible and negligent ex-partners to pay child support,&quot; ani Duterte sa pahayag.</p><p>Base rin kasi sa isang pag-aaral kamakailan ng World Health Organization (WHO), nasa 15 milyon Pilipino, karamiha&#x27;y babae, ang solo parent.</p><ul class="op-related-articles">	<li><a href="https://news.abs-cbn.com/news/10/04/22/pao-tutulong-sa-single-moms-na-maningil-ng-child-support-tulfo">PAO tutulong sa single moms na maningil ng sustento para sa anak: Tulfo</a></li></ul><p>Sa ilalim ng HB 4807, hindi bababa sa P6,000 kada buwan o P200 kada araw ang halaga ng ibinibigay na child support.</p><p>Puwede rin umanong itakda ang halaga ng child support sa pamamagitan ng pag-divide sa monthly net income ng parehong magulang.</p><p>Sa ilalim ng panukala, puwede ring bawalan na mabigyan ng passport o masuspende ang lisensiya ng mga pabayang magulang.</p><p>Kapag wala namang trabaho ang magulang na kailangang magbigay ng child support, puwede umano silang lumahok sa ilang programa ng gobyerno para matupad ang kanilang obligasyon.</p><p>Kasama rin umano sa panukala ang pagtatatag ng National Child Support Program sa ilalim ng Department of Social Welfare and Development, na tutulong sa child support claims.</p><p>Bukod kay Duterte, principal author din ng panukala — na pending sa committee level — sina Benguet Rep. Eric Yap at ACT-CIS party-list Reps. Edvic Yap at Jeffrey Soriano.</p><ul class="op-related-articles">	<li><a href="https://news.abs-cbn.com/news/10/06/22/mga-tatay-na-hindi-nagbibigay-ng-sustento-maaari-bang-habulin">Solo parent na 2 beses iniwan ng naging mister, may mensahe sa mga kapwa solo parent</a></li></ul><div><strong>RELATED VIDEO</strong></div><figure class="op-interactive"><iframe allow="autoplay; fullscreen" frameBorder="0" height="100%" id="ivsplayer01" scrolling="no" src="https://player.ivideosmart.com/ivsplayer/v4/dist/html/iframe-src.html?iframeid=ivsplayer01&amp;key=e8c22c015ca9eafa76f1e3edfa03c603&amp;spid=3001339&amp;vid=2098549" width="100%"></iframe></figure><div class="iwantbar">Watch more News on <a href="https://www.iwanttfc.com/#!/browse/Genres/News/tag_id_genres/id_news" target="_blank">iWantTFC</a></div>

Isinusulong ng ilang mambabatas ang pagkukulong sa mga magulang na sinasadya at paulit-ulit na hindi nagbibigay ng sustento sa kanilang mga anak.