Push Admin

2 pre-need company, inireklamo dahil sa 'pumalpak' na serbisyo

Article (news)

ABS-CBN News

<figure class="op-interactive"><div id="IVS_ABS_Body_Video_1_Container"> <ivs-player id="IVS_ABS_Body_Video_1" data-ivs-spid="3001339" data-ivs-key="e8c22c015ca9eafa76f1e3edfa03c603" data-ivs-vid="1419532" data-ivs-floating="1"></ivs-player> <script src="https://player.ivideosmart.com/ivsplayer/v4/dist/js/iframe-parent.js"></script> <script src="https://player.ivideosmart.com/ivsplayer/v4/dist/js/loader.js"></script> </div></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Simple lang ang buhay ng pamilya Mamontayao sa Cateel, Davao Oriental pero nakaya nilang kumuha ng pension plan sa Provident Plans noong 2007 at nakumpleto ang hulog sa loob ng 5 taon.</p><p>Pero anim na taon matapos ma-fully paid, wala pa ring nake-claim na benipisyo ang pamilya.</p><p>Ang Provident Plans kasi, nagkaproblema sa pera kaya tinake-over na ng Insurance Commission (IC) at ngayo&#x27;y tinitingnan pa kung kaya pang buhayin ang kompanya.</p><p>Dahil dito ay dismayado ang anak ng kumuha ng pension plan.</p><p>&quot;Nag-expect sila na may makukuha sila... Dugo&#x27;t pawis ang pinag-anuhan nila, di pinulot &#x27;yun para may maibigay sa kanila monthly,&quot; ani Ana Mamontayao, anak ng Provident Plans planholder. </p><p>Paliwanag naman ng IC, kailangan pang maghintay ng mga planholder dahil wala pang pasya kung bubuhayin o tuluyan nang isasara ang kompanya at ibenta ang mga ari-arian nito para pambayad sa kanila.</p><p>&quot;Ang iniiwasan kasi dito halimbawa mapunta sa liquidation at nagbayad tayo, unfair sa iba na di pa nababayaran ang plans,&quot; ani Atty. John Apatan, division manager ng Conservatorship, Receivership and Liquidation Division ng komisyon. </p><p>Dalawang educational plans naman galing sa Philippine Prudential Life para sa kaniyang mga apo ang kinuha ni Lourdes Arosa.</p><p>Nagsara na ang Prudential Life at nakatakda nang ibenta ang ari-arian ng kompanya kaya tengga rin ang claim ni Arosa.</p><p>&quot;Sabi sa akin baka mga 3 years pa &#x27;yan [bago makuha]. Grabe, 3 years? Baka patay na ako nun,&quot; hinaing ng ginang.</p><p>Tiniyak naman ng IC na nasa listahan si Arosa, iyon nga lang ay walang katiyakan kung kailan niya makukuha ang benepisyo.</p><p>&quot;Hihintayin niya magkano ang liquidation value at date ng distribution. Ia-announce naman namin. Magbibigay tayo ng first tranche pag na-sell na ang major assets ng kompanya,&quot; ani Apatan. </p><p>Sa mga konsumer na nais magpadala ng reklamo, mag-post lamang sa Facebook page ng Tapat Na Po.</p><div><strong>—Ulat ni Alvin Elchico, ABS-CBN News</strong></div>

<p>Reklamo sa mga pumalpaki na insurance company ang tinutukan ngayon ng Tapat Na Po. </p>

Reklamo sa mga pumalpaki na insurance company ang tinutukan ngayon ng Tapat Na Po.