P300-M halaga ng pinsala naitala matapos ang tidal wave sa Occidental Mindoro

Watch more in iWantv or TFC.tv

Kasabay ng pagbangon mula sa kalamidad, umapela ng tulong ang mga residente ng Paluan, Occidental Mindoro matapos mawasak ang kanilang bahay at kabuhayan dahil sa ilang araw na paghampas ng malalaking alon.

Tinatayang nasa P300 milyon na ang halaga ng pinsala matapos hampasin ng alon na nasa higit 5 metro ang taas ang mga kabahayan.

Halos kalahati na lamang ng mga bahay sa Brgy. Marikit, Paluan, Occ. Mindoro matapos matabunan ng mga buhangin na iniluwa ng dagat dahil sa malalakas na hampas ng alon o seaswell pic.twitter.com/1FsncJbPKI

— Dennis Datu (@Dennis_Datu) November 10, 2019

Sa Barangay Marikit, halos kalahati na lamang ng mga bahay ang nakalitaw matapos malubog sa buhangin. Nawasak din ang seawall na itinayo noong nakaraang taon.

Ayon kay municipal local disaster head Albert Dimaano, posibleng mas matindi ang naging pinsala kung wala ang seawall, kaya importante na maayos ito agad.

Nawasak ng hampas ng malaking alon ang seawall sa Paluan, Occ. Mindoro pic.twitter.com/Pj7FFMLiCw

— Dennis Datu (@Dennis_Datu) November 10, 2019

Apektado ng sea swell ang mga Barangay 1 hanggang 6, Marikit, Lumangbayan, Tubili, Harrison, Alipaoy at Mananao.

Nitong Linggo, namahagi ng relief goods ang lokal na gobyerno at Department of Social Welfare and Development.

Bukod sa relief goods, tulong sa pagpapagawa ng bahay at bangka ang hiling ng mga residente.

Tumanggap ng relief goods ang mga pamilya sa Brgy. Marikit, Paluan, Occ. Mindoro na nasira ang mga bahay dahil sa malalakimg alon pic.twitter.com/UfcYuogxlj

— Dennis Datu (@Dennis_Datu) November 10, 2019