Push Admin

Magkasintahan, natagpuang patay sa magkaibang lugar sa Bataan

Article (news)

ABS-CBN News

<figure class="op-interactive"><div id="IVS_ABS_Body_Video_1_Container"> <ivs-player id="IVS_ABS_Body_Video_1" data-ivs-spid="3001339" data-ivs-key="e8c22c015ca9eafa76f1e3edfa03c603" data-ivs-vid="1446961" data-ivs-floating="1"></ivs-player> <script src="https://player.ivideosmart.com/ivsplayer/v4/dist/js/iframe-parent.js"></script> <script src="https://player.ivideosmart.com/ivsplayer/v4/dist/js/loader.js"></script> </div></figure><p>Natagpuang patay ang magkasintahang kapuwa empleyado ng isang fast food restaurant sa magkahiwalay na lugar sa Bataan.</p><p>Kinilala ang mga biktima bilang si Glory Mae Carbonell, 22 anyos, at ang nobyo nitong si James Carl Guzman, 19 anyos.</p><p>Paalam ng magkasintahan noong Sabado, Nobyembre 11, na magsisimba at mamamasyal lamang sila.</p><p>Pero hindi nakauwi sina Carbonell at Guzman sa kani-kanilang mga tirahan.</p><p>Nakatanggap pa ang mga magulang ni Carbonell ng tawag na ipinagbibigay-alam sa kanilang naiwan ng dalagita ang kaniyang cellphone at gamit sa pasyalan malapit sa may dagat sa Balanga City.</p><p>Kinabukasan, bandang alas-8 ng umaga, natagpuang palutang-lutang ang bangkay ni Carbonell sa dagat na sakop ng Barangay Landing sa bayan ng Pilar.</p><p>Wala nang pang-ibabang saplot ang dalaga kaya hinala ng mga magulang ay hinalay muna ang anak bago pinatay at itinapon sa dagat.</p><p>Alas-11 naman natagpuan sa dagat na sakop ng Barangay Camachile sa bayan ng Orion ang bangkay ni Guzman.</p><p>Kapansin-pansing nakaangat ang parehong braso ni Guzman.</p><p>Hindi matanggap ng mga magulang ng magkasintahan ang malagim na sinapit ng kanilang mga anak.</p><div><strong>Gobernador, nagpalabas ng pabuya</strong></div><p>Nag-alok si Bataan Governor Albert Garcia ng P500,000 para sa sinumang makapagbibigay ng impormasyon o lead sa posibleng suspek ng krimen.</p><p>Bumuo rin ang Bataan Provincial Police Office ng isang komite para resolbahin ang pagpaslang sa magkasintahan.</p><p>Hinihintay pa ang resulta ng awtopsiya ng Philippine National Police-Crime Laboratory kaya hindi pa tukoy ang sanhi ng kanilang kamatayan.</p><p>Ayon kay Senior Inspector Larry Valencia ng Bataan police, mayroon nang person of interest sa krimen.</p><p>Ilang insidente na ng panggagahasa ang nangyari sa pasyalan sa may Balanga pero ayon sa Bataan police ay wala namang ulat na nakakarating sa kanila.</p><p>Potensiyal na kandidato pa naman si Carbonell sa posisyong manager sa pinapasukang trabaho, habang nakatakda sanang ipagpatuloy ni Guzman ang pag-aaral sa kolehiyo.</p><p>Nanawagan ang mga magulang ng mga biktima sa mga posibleng testigo na lumutang at bigyan ng katarungan ang pagkasawi ng kanilang mga anak.</p><div><strong>-- Ulat ni Dominic Almelor, ABS-CBN News</strong></div>

<p>Natagpuang patay ang magkasintahang kapuwa empleyado ng isang fast food restaurant sa magkahiwalay na lugar sa Bataan.</p>

Natagpuang patay ang magkasintahang kapuwa empleyado ng isang fast food restaurant sa magkahiwalay na lugar sa Bataan.