Push Admin

Babaeng kawatan, nilooban ang kuwarto ng pasyente sa ospital

Article (news)

ABS-CBN News

<div class="embed-wrap"><figure data-feedback="fb:likes,fb:comments"><img src="http://sa.kapamilya.com/absnews/abscbnnews/media/2018/news/11/14/20181114-kawatan-ospital.jpg?ext=.jpg"/></figure></div>MAYNILA - Isang babaeng kawatan ang pinaghahanap ngayon ng awtoridad matapos pagnakawan ang kuwarto ng isang pasyente sa ospital sa Pasay City.Dumulog sa programang Lingkod Kapamilya sa DZMM Miyerkoles ng umaga si Francis Mamasabulod upang ibahagi ang kaniyang naging karanasan.<figure class="op-interactive"><iframe height="315" src="https://www.youtube.com/embed/uUsmYI6Nobs" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div>Kuwento niya, nasalisihan sila ng kawatan noong Nobyembre 6 ng madaling araw at nagawang tangayin nito ang kaniyang bag na naglalaman ng dalawang laptop, cellphone, wallet, identification cards at cash.&quot;Kahit nasa ospital po nagtatrabaho po ako habang binabantayan ko po nanay ko. Pagkatapos ko magtrabaho, inilalagay ko mga gamit ko sa bag ko, except &#x27;yung cellphone na inilagay ko sa uluhan ko,&quot; ayon kay Mamasabulod.Naalimpungatan siya bandang alas-4 ng umaga para tulungan ang kaniyang ina na bumababa sa kama.Habang inaalalayan ang ina, inaabot naman niya ang cellphone, pero wala na ito sa huling pinaglagyan niya. Wala na rin ang kaniyang itim na backpack na ipinasok pa niya sa cabinet ng kuwarto.&quot;Within 2 minutes ng paghahanap ko, I concluded na &#x27;Naku, Mama, nanakawan tayo&#x27;. Lumabas ako sa nurse station sabi ko &#x27;Madam, nanakawan kami, wala po bang nakapansin?&quot;Humingi siya ng tulong para magpatawag ng pulis para maipaimbestiga ang insidente at mahuli ang suspek sakaling nasa ospital pa ito.&quot;Pagdating ng mga pulis, hindi sila pinapasok ng mga guard. Akala nila simpleng theft lang ng co-employee, pinaalis sila ng guard,&quot; sabi ni Mamasabulod.Base sa kuha ng CCTV ng ospital, makikita ang babaeng kawatan na palakad-lakad at tila nagmamanman. Nasa 5 kuwarto rin ang inisa-isa nitong looban.&quot;Everytime na lumalabas siya ng kuwarto, tumataba bag niya,&quot; pansin ni Mamasabulod nang mapanood ang footage.Ipinagtataka rin niya kung paano nakapasok ang kawatan gayong madaling araw na noon.&quot;Nung pumasok daw sa gate ng ospital, hindi na siya hinanapan ng ID. Tinanong lang saan po kayo pupunta. Ang sabi raw po niya sa room 335. Alam ko po doon nila isinasagawa medical mission nila. Pero hindi naman po ako maniniwalang may medical mission hanggang alas-3 ng madaling araw,&quot; ani Mamasabulod.Laking pasalamat ni Mamasabulod sa Pasay City Police dahil tinutukan ang kaniyang kaso.Nakipag-coordinate na rin ang awtoridad sa ospital para makakuha ng kopya ng CCTV para mai-enhance ito. &quot;Titingnan natin kung may negligence on the part of security guards on duty and likewise &#x27;yung security agency kasi dapat ipinagkatiwala silang magbantay, magmanman nangyayari po &#x27;yung mga ganitong kaganapan na hindi dapat mangyari because they&#x27;re on duty,&quot; paliwanag ni Senior Superintendent Noel Flores, hepe ng Pasay City Police.Ipakakalat naman ng awtoridad ang nakuhang footage sa kawatan sa lahat ng police community precinct na sakop ng Pasay at maging sa 201 barangay sa lungsod.&quot;Ipamumodmod namin (ito) para kung sino nakakakilala sa babaeng ito,&quot; sabi ni Flores.

Isang babaeng kawatan ang pinaghahanap ngayon ng awtoridad matapos pagnakawan ang kuwarto ng isang pasyente sa ospital sa Pasay City.

Isang babaeng kawatan ang pinaghahanap ngayon ng awtoridad matapos pagnakawan ang kuwarto ng isang pasyente sa ospital sa Pasay City.