Push Admin

Dalagita sinaksak sa leeg, 'tinangkang gahasain' ng lalaking 'naghihiganti'

Article (news)

ABS-CBN News

<figure class="op-interactive"><iframe height="315" src="https://www.youtube.com/embed/Uu5pXVlb64s" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div>Sugatan ang isang 15 anyos na babae nang saksakin at &quot;tangkang gahasain&quot; habang natutulog sa kaniyang tahanan sa Alaminos, Laguna, kung saan suspek ang kapitbahay nito.Batay sa imbestigasyon, madaling araw noong Linggo nang pasukin ng suspek na si Michael Fernandez, 20, ang kuwarto ng biktimang si alyas &quot;Donita&quot; sa Barangay San Ildefonso.Ayon sa ina ng biktima, tinangka umanong gahasain ni Fernandez si Donita habang katabing natutulog ang kapatid, ina, at dalawang pamangkin nito.Pero nagising ang biktima kaya sinaksak siya ng suspek.May malalim na sugat ang biktima sa leeg at kaliwang braso nang salagin ang kutsilyo pero maaayos na umano ang kalagayan nito.Agad tumakas ang suspek sa isang siwang sa may kusina na siya ring dinaanan niya papasok sa kuwarto ng biktima.Nagtago umano sa gubat nang halos isang araw ang suspek bago arestuhin nitong Martes sa Sto. Tomas, Batangas nang makatanggap ng ulat ang mga awtoridad na handa na itong sumuko sa kanila. Nang maaresto ay nakuha sa suspek ang 12 pulgadang haba ng patalim na ginamit sa paggawa ng krimen. Ayon kay Alaminos police chief Senior Inspector Glenn Cuevas, lasing ang suspek nang mangyari ang krimen. &quot;Ang tangka niya daw ay patayin dala ng pagkalasing kaya niya nagawa ang mga bagay na iyon&quot; ani Cuevas. Giit naman ni Fernandez, wala siyang balak gahasain ang biktima bagkus ay gusto lang daw niyang ipaghiganti ang kaniyang kinakasama na sinisiraan umano ni Donita.Wala namang balak makipag-areglo ang pamilya ng biktima. &quot;Gusto ko pagbayaran muna ang ginawa niya dahil ang anak ko hanggang ngayon natatakot, tuwing siya daw ay pipikit kita niya ang sarili niya sinasaksak,’’ aniya. Kinasuhan na ng frustrated murder ang suspek.Sa ngayon, hindi pa umano nakitaan ng mga awtoridad na may tangkang rape dahil hindi daw naibaba ng suspek ang damit ng biktima. <div>-- Ulat ni Dennis Datu, ABS-CBN News ​</div>

Giit ng suspek, wala siyang balak gahasain ang biktima bagkus ay gusto lang daw niyang ipaghiganti ang kaniyang kinakasama na sinisiraan umano ng dalagita.

Giit ng suspek, wala siyang balak gahasain ang biktima bagkus ay gusto lang daw niyang ipaghiganti ang kaniyang kinakasama na sinisiraan umano ng dalagita.