Push Admin

Evacuation centers sa Rodriguez, Rizal siksikan pa rin

Article (news)

ABS-CBN News

<div class="embed-wrap"><figure data-feedback="fb:likes,fb:comments"><img src="http://sa.kapamilya.com/absnews/abscbnnews/media/2020/tvpatrol/11/15/evacuation-center.jpg"/><figcaption>Siksikan pa rin sa mga evacuation center ang halos 14,000 residente ng Rodriguez, Rizal na hindi pa rin makablik sa kani-kanilang bahay dahil sa makapal na tubig.</figcaption></figure></div><p>Emosyonal pa rin si Marilou Gimpes sa tuwing maaalala kung paano sila na-trap sa bubong ng bahay sa kasagsagan ng Bagyong Ulysses sa Rizal.</p><p>Nakaligtas man, tuloy ang kanilang kalbaryo sa evacuation center.</p><p>&quot;Hindi namin alam kung papaano gagawin naming ngayon. Pinansyal, wala ako; pambili ng tubig, humihingi ‘yong anak ko, wala; sabon, wala; toothpaste, wala,&quot; ani Gimpes.</p><p>Nagkakasakit na ang mga matatanda at mga bata pero walang gamot.</p><p>&quot;Ang hirap talaga sa totoo kasi iyang special child ko, kailangan may maintenance na gamot. Wala na siyang gamot,&quot; ani Norkes Pascolado.</p><p>Bagaman may dumadating na ayuda, hindi umano ito kasya sa dami ng nangangailangan.</p><figure class="op-interactive"><iframe src="https://www.youtube.com/embed/zGDymJ2XewA?enablejsapi=1"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Halos 14,000 indibiduwal ang tumutuloy pa rin sa 16 na itinalagang evacuation center sa Rodriguez, Rizal.</p><p>Pero siksikan ang mga tao, walang kuryente at tubig, at limitado ang relief goods.</p><p>&quot;&#x27;Pag nagbibigay po ng ayuda, kailangan makipagbalyahan ka kasi kung hindi... kawawang-kawawa ka,&quot; anang evacuee na si Emma Motoya.</p><p>Ang mga bata&#x27;y naliligo sa naipong tubig sa fish pond ng eskuwelahan, na pinagkukuhanan din ng ilan para ipambuhos sa banyo.</p><p>Sa hirap ng situwasyon, ipinagtataka ng ilang evacuee kung nasaan ang kanilang mayor.</p><p>Sa video sa Facebook page ni Mayor Tom Hernandez ngayong Linggo, ipinakita ng kaniyang grupo ang pamimigay ng pamahalaang lungsod ng relief goods.</p><p>Bukod sa relief goods, hiling ng mga residente ang pangmatagalan nang tulong tulad ng relokasyon.</p><p>Mahigit 3,000 pa ang walang kuryente sa Rodriguez, ayon sa Meralco.</p><p>Sinisikap naman ng Manila Water na maibalik ang supply ng tubig sa buong lalawigan. Nagpapaikot din sila ng water tanker sa mga evacuation center.</p><div><strong>-- Ulat ni Michael Delizo, ABS-CBN News</strong></div>

<p>Siksikan pa rin sa mga evacuation center ang halos 14,000 residente ng Rodriguez, Rizal na hindi pa rin makablik sa kani-kanilang bahay dahil sa makapal na tubig.</p>

Siksikan pa rin sa mga evacuation center ang halos 14,000 residente ng Rodriguez, Rizal na hindi pa rin makablik sa kani-kanilang bahay dahil sa makapal na tubig.